فضفضة فنجان قهوة 
أحلام
بتاريخ • نشرتعلى جروب صديقاتي بعثت صاحبتي صورة لتعيين سلفتها بوظيفة حكومية مرموقة ..👀
طبعًا أي حدا بقرأ الكلام رح يحكي شو علاقة الصاحبات بالسلفة !
لما دخلت الجروب وقرأت الخبر ، لقيت صاحباتي بباركوا للسلفة اللي مش معنا بالجروب وبدعوا لصاحبتنا " عقبالها " 
!
وبدعوا لصاحبتنا " عقبالها " !كعادتي بالجروبات ؛ بقرأ وما بعلّق 
دغري رنيت عليها ، كل شوي تفصل عليّ ، هاد الوقت زوجها أكيد مش بالبيت فبعثتلها مسج ترد عليّ ضروري ..
دغري رنيت عليها ، كل شوي تفصل عليّ ، هاد الوقت زوجها أكيد مش بالبيت فبعثتلها مسج ترد عليّ ضروري ..أول ما فتحت الخط ، حكيتلها :
ليش ما بتردي علي ؟ قاعدة بتبكي ؟
انفجرَتْ من العياط وخُد كلام على سلفتها ؛ وضعها المادي اللي فوق المرتاح ، أولاد ، بيت وسيارة فخمة وماجستير وبتشتري ماركات وزوجها بيسمعْ كلامها - نركز على هاي الجملة 
- وسفر وبتجاكر سلفاتها .... وهلأ تعيين !
- وسفر وبتجاكر سلفاتها .... وهلأ تعيين !طبعاً صاحبتي متزوجة من ٨ سنين تقريبًا وما في أولاد ووضع مادي سيء وراتب ما بكفي مصاريفهم وهي معها ماجستير هندسة وبتحارب بكل الطرق ومش طالعه بأي وظيفة معفنه حتى
طبعاً بعد ما كملت هي عياط وكلام بوجع القلب والراس قعدنا نحكي بـ مصيبة تفكيرها اللي بتسوِّد قلبها وعيشتها وبتوصلها للحسد والحقد وعدم الرضى عن قضاء الله وقدره واختياره وهاد أسوأ شي ممكن يوصله الإنسان ..
شعور الكره يا جماعة أسوأ شعور ممكن يوصل إله الإنسان ..
عارف شعور الحب من طرف واحد ؟
- لأ
طيب عارف شعور الحب اللي ما في أمان ؟
- كمان لأ
طيب شعور الحب اللي ما في منه أمل ؟
- محنا حكينا لأ
طيب جمِّعهم كلهم فوق بعض ، شعور الكره أسوأ منهم 
شعور الكره بياكل الإنسان من جوّا ، خاصة إذا كان من إنسان بتحسِنْ إله وبيأذيك ، بتبعد عنه وبرضه بيأذيك ! بعيش ظروف أحسن بكتير من ظروفك وبرضه ضايقه عينه على حياتك وبيأذيك 
باللحظة اللي قلبك بيطفح الكيل فيه وبتدعي ربنا ياخدلك حقك منه ، سبحانه بيعطيه خير !
تسخط ؟!
شعور الألم اللي بصيب القلب ، التساؤلات الكتير اللي بتلِفّ بمخيّلتك بهديك اللحظة ، الأبواب المسكّرة حوليك ، الضيق اللي كل ماله بزيد عليك ، انفجارك بالبكاء .. كله شعور طبيعي !
بس هاد مش الحل !
لازم تجاهد نفسك للتخلص من هاد الشعور .. لإنه لو فكّرنا فيه شوي :
هو سخط واعتراض على حكم الله - نعوذ بالله من ذلك -
هل ربنا غير قادر عن إنه يعطيك إنت كمان حاجتك ؟
طيب ايش نعمل ؟
صلي ركعتين وادعي ربنا كتير يطهر قلبك من البغض والحسد والكره ، ادعي ربنا بسلامة قلبك ، ادعي ربنا يبارك للي بتكرهه برزقه ، ادعي كتير
والموضوع مش سهل أبدًا ..
فكِّر بنعم الله عليك اللي ما بتنعد ولا بتنحصى
فكِّر كم نعمة ظاهرياً كانت نقمة على صاحبها ..
فكر إنه ما حدا بها الدنيا مرتاح وكل واحد عنده همّ ربنا أعلم فيه ..
ما عنده همّ ؟!
طيب فكر إنها دنيا ! وما بتسوى عند ربنا جناح بعوضة !!
فكّر يا أخي ،، فكري يا أختي
ربنا ما أعطاك العقل لتحطّه على جنب ! شغل مخك
ربنا كريم ، رح تحصل بالنهاية على راحة القلب من هاد الشخص - اللي بتكرهه ومأذيك -
وهاي بتسوى الدنيا واللي فيها ..
وادعيلي بالله عليك ، ينوبك ثواب وإلك بالمثل 
طاب يومكم بضحكة قلب 
الـسـمـو
أحلام
شكرًا
Ram Lonace
أحلام