خلوا بالكم من عيالكوا

A kadry

A kadry

بتاريخ نشرت

افتكر زمان كنت بحب اتفرج عالكرتون جدا وذكريات الكارتون توم وجيري نقار الخشب سانشيرو عدنان ولينا وحتى مازنجر و غرنديزر اللي هو هواه جرنديزر و حتى كابتن ماجد وسلاحف النينجا مع انها حديثة .

ومنكرش اني الى وقتنا الحالي بحب برضه اتفرج عالكرتون بس بصراحه زمان حاجة ودلوقتي حماده تاني خالص يعني مثلا زمان بغض النظر عن توم وجيري كنا بنتعلم من الكارتون يعني كان مفيد و ليه هدف انما حاليا الكارتون والانمي والرسوم المتحركة عموما بقت حاجة تعل وتدعوا للتخلف ودي حقيقة بحكم سفري وبعدي عن ولادي لما برجع واجتمع بيهم بيصعبوا عليا من كتر ما بيقضوا وقت قدام كارتون فاشل وضار جدا بالصحة يعني ابني الكبير 9 سنين اصبح بيسألني اسئلة تشل وتنم عن تخلف فلما تابعت مصدر استفسارته دي لقيت ان قنوات الاطفال اللي بيتابعها هي اللي بتحركه علشان يمشي في طريق التخلف الفكري يعني بدل ما بتوجهه اصبحت بتضلله .

 زمان كانوا بيخافوا علينا من اصحاب السوء ليفسدوا اخلاقنا دلوقتي حنضطر نضيف لقايمة المخاوف ان اولادنا تتفرج على قنوات الاطفال .

هي مش حكاية بس بجد اصبحت خطر والموضوع بيتطور فخلوا بالكم من عيالكوا وربنا يسترها

التعليقات

  • رياض فالحي

    هناك دراسة علمية حول هذا الأمر ، أظن قام الدارسون بأخذ عينة من عدد من الأطفال و أنجزوا تحاليلهم، أرجو أن اجد المصدر.
    0
    • A kadry

      يا ريت فعلا و يا ريت الكل يشترك في الموضوع ده واللي عنده اي حاجة تفيدنا ميبخلش احنا مش ناقصين ننشأ جيل جديد من طفولته يعاني
      0
  • عبدالرحمن حسين

    نعم للأسف هذه حقيقة (قلب مجروح لونه أحمر)

    لكن هذا ليس عذراً لتتركيهم يشاهدوا ،

    إذا كانت شاشة التلفزيون سمارت يمكنك الدخول في برنامج يوتيوب وتختاري ما هو الكرتون الذي يشاهدوه ، هناك الكثير من المسلسلات الكرتونية المفيدة
    0
    • A kadry

      يا ريت لو حضرتك عندك المعلومة توضحلنا ونستفاد كلنا الموضوع بقى بجد خطير وجزاك الله خير
      0
      • عبدالرحمن حسين

        عفواً :) ، حسبتك أنثى ، الإحراج يسيطر علي .

        يبدو أنك لم تفهم جيداً ماقلت لامشكلة أنا فاضي :)

        هناك شاشات تلفزيون تسمى ذكية بالإنجليزي " SMART | سمارت "
        لدينا في المنزل شاشة تلفزيون ذكية صغيرة الحجم واشتريناها تقريباً بـــ ( 150 ) دولار

        تقريباً شكل شاشتنا مثل هذه بالضبط ( 100%) لكنها أصغر قليلاً منها ، أدخل على هذا الرابط لكي ترى الصورة | suar.me

        في هذه الشاشة يمكنك تركيب جهاز رسيفر عليها ومشاهدة القنوات عليها كباقي الشاشات
        ميزة هذه الشاشة أنه يمكنك الاتصال بالإنترنت فيها وبدل ماتستخدم جهاز الرسيفر تقدر تعرض فيديوهات من موقع يوتيوب بطريقتين

        الطريقة الأولى :
        عبر التلفزيون نفسه تقوم بالاتصال بالإنترنت والدخول على موقع يوتيوب وتختار مقاطع فيديو ليشاهدوها أطفالك وهنالك الكثير من القنوات في اليوتيوب تعرض مسلسلات الكرتون القديمة :) مثل : سالي ، موكلي ، كونان ، الكابتن ماجد .

        الطريقة الثانية :

        وهي عبر الاقتران بين التلفزيون والهاتف ، بهذه الطريقة تقدر تتحكم بالمسلسلات التي تظهر لهم من جوالك
        بس عيب هذي الطريقة أنه لازم جوالك يكون على اليوتيوب .

        أي استفسار تقدر تسأل
        0
        • A kadry

          شكرا للتوضيح يا استاذنا ومفيش مشكلة ولا احراج ولا اي حاجة ربنا ينورك زي ما نورتنا
          0
  • عبق

    صدقت وهذا مالاحظته في كل اطفال العائله بكل صراحه بعض الافلام تنمي الغباء،،
    لاكن الاسوء من ذلك عجزنا تجاهمم فليس هناك بديل
    0
    • A kadry

      هو في بديل فعلا بس قلوبنا هتمنعنا منه اننا زي ما بنعمل ديليت لاي قناه نعمل برضه ليهم بس للاسف زي ما قولت قلوبنا هتضعف قدام البكاء للاسف البكاء او الغباء ربنا يستر .
      1

يجب عليك تسجيل الدخول لتتمكن من إضافة تعليق