مدخن متعافي

A kadry

A kadry

بتاريخ نشرت

الحمد لله مدخن متعافي من 4 سنوات !

كنت بعتقد اني لن اقلع عن التدخين وده مش لاسباب مادية ولا صحية انا كنت بحب التدخين اعشق حالة فنجان القهوة والسيجارة وقصة اندماجهم سويا لممارسة مشهد الغرض منه ارضائي شخصيا وحيث اني المتفرج الوحيد لهذا المشهد الذي صنع من اجلي كانت تتجلى معي اقصى علامات الرضا عن هذا الاندماج العبقري .

مش ححكي عن كوني كنت مدخن شره ولا ان كتير كنت بدخن لطبيعة شغلي او لتشجيعي للزمالك او لسد جوع لمجرد اني مكسل اكل .

كنت في رمضان مع احد الزملاء ذهبنا للعمرة وبعد خروجي من الحرم طبعا كنت حاطط السجاير في شنطة على وسطي بطلع السيجارة وانفجر زميلي فيا ازاي تدخل بيها الحرم ازاي تعمل العمرة وانت معاك باكيت دخان بصراحة حسيت اني زبالة وكنت بتهرب من اني ابص في عيونه .

في نفس العام ربنا انعم عليا واتخذت القرار اني احج ففكرت انا حكون في الحرم ومنى وعرفات وخصوصا عرفات هعمل ايه في السجاير فقررت قرار حوقف السجاير اثناء الحج اه مهو مش حتحمل حد تاني يوبخني 

فكرت بعمق اكبر طيب ابطل السجاير قبلها باسبوع علشان اتعود كأني صايم وحصل ووصلت وحجيت ورجعت وسبحان الله مكنتش متلهف للسجاير ولا طايق ريحتها  انا اللي كنت في رمضان اكل تمرة واشرب سيجارة كنت اول حاجة اعملها اول ما عيوني تفتح من النوم هي اني اشرب سيجارة .

الحمد لله واكتشفت انني بدنيا وصحيا بتغير جدا والحمد لله للاحسن على فكرة هي قرار وارادة وانا ربنا قواني فيارب يقوي ويوفق اي مدخن انه يستغنى عن عادته ويوقف الدخان .

التعليقات

يجب عليك تسجيل الدخول لتتمكن من إضافة تعليق