ايام النت الاولى

A kadry

A kadry

بتاريخ نشرت

بدايات ظهور الانترنت في مصر كما يعرف  كانت محدودة ولم تكن خدمة النت كما هي الان من حيث سهولة الحصول عليها او السرعات وما شابه ذلك من تقدم وتطور.

لو كنت تريد الحصول على النت كان عن طريق شراء كارت مثل كارت شحن الرصيد او عن طريق الاتصال بارقام معينه (0777) .

الحدث: واحد صديق من الذ الشخصيات ويتمتع ماشاء الله بذكاء حتلاحظوه في الحكاية دي صديقي اشترى كمبيوتر ويا له من حادث جلل ان ذاك.

المكان : طبعا بيت زميلي ده روحناله  اما وواحد تاني نفيده بخبرتنا في المجال وننزل العاب واغاني كما هو متبع في تلك الفترة.

طبعا صاحبي كان شغوف انه يدخل على النت وانا بأجل الموضوع لحد ما نخلص اللي بنعمله فلما انتهيت قولتلوه هات التيلفون ( كان بيتم شبك خط التليفون في كارت الموديم ومن ثم اجراء اتصال من خلال الكمبيوتر باحد ارقام الخدمة والحصول على النت).

صاحبنا جاب التليفون الارضي كامل سحبت منه الكابل ووصلته بالكمبيوتر واللي حصل كان صعب وهو اللي قولت عليه يدل على الذكاء الكبير .

 لما وصلت سلك التليفون بالكمبيوتر صاحبي شال سماعه التليفون وبدأ يطلب رقم الخدمه من على العدة الخاصة بالتليفون لاحظ ان مفيش سلك واصل وهو في قمة النشوة مردد احد اغاني اعلان عن رقم الخدمة زمان زيرو تلات سبعااااااات خمس تلااااااف .

فما كان مني ومن صاحبي اللي معايا الا اننا اخدنا حاجتنا وسبناه يعيش مع النت الوهمي اللي حيحصل عليه منفجرين بافظع الشتائم اللي ممكن تسب الغباء .

التعليقات

يجب عليك تسجيل الدخول لتتمكن من إضافة تعليق