رجعوا المسرح

A kadry

A kadry

بتاريخ نشرت

امبارح كنت بتفرج على مسرحية العيال كبرت للمرة المش عارف كام ويا لها من كمياء تدعوك في كل مرة للضحك الممثلين كل واحد بيمثل حالة متوهجة . كل واحد عنده عبقرية لا نهائية من القدرة على انه يوصل رسالة لحضرتك الا وهي عايزك تكون مبسوط وبتضحك.

تخيل المسرحية بدون اغاني . بدون كومبارس . حتى بدون ديكور متعدد المسرحية كلها ديكور واحد . النهاردة وبعد اختفاء المسرح يعني اللي متابع شوية حركة ابو الفنون حيلاقي تجارب شبابية بصراحة بعضها لا يرتقي مجرد محاولات للتواجد . ثم مسرحيات موسم الصيف اللي اختفت كانت مبتذالة وبتعتمد على الايحاءات وايفهات والله لو قعدت على قهوة او ركبت مواصلة او في اي محيط حتلاقي افيهات احلى منها .

كذلك مسرح مصر قدر انه يحرك شوية عن طريق المسرحية الصغيرة كانت فكرة رائعة من اشرف عبد الباقي ولكن على مين شوف كم الناس اللي قلدته وباءت بالفشل الزريع وبصراحة التجارب دي مع تجربة اشرف لم نستفد منها الا بخروج مجموعة اخرى من النحيتة .

شباب اسف في التعبير بينحت ودا المصطلح القريب للي بيحصل منهم فبالرغم من اجتهادهم في المسرح الا انهم دراما وسينما اعتقد ودا رأي شخصي ملهمش مردود عالي لنعود مرة اخرى ونفرز الاعمال السينمائية والدرامية ونطلع من دول كلهم 2 ممثلين مصطفى خاطر وحمدي المرغني وبرضه من وجهه نظري الشخصية قد نتفق او نختلف قد نزيد ممثل او نحذف اخر ولكن هي هي المسرح ابو الفنون ولو شاكك في كلامي شوف واحد زي العبقري سيد رجب وعمره اللي قضاه على المسرح وانعكاس ده على ادواره واتقانه للشخصية .

نفسي المسرح يرجع تاني زي زمان اعمال مسرحية حتخلصنا من منعدمي الموهبة والمحسوبية اللي بتفرض علينا ناس ليس ليهم علاقة بالتمثيل . وكل ذنبنا اننا مضطريين نشوفهم .

التعليقات

يجب عليك تسجيل الدخول لتتمكن من إضافة تعليق