هواة المراسلة.

A kadry

A kadry

بتاريخ نشرت

الوقت بيمر بسرعة والامور بتطور زمان وانا في اعدادي اشتركت في منظمة اسمها هواة المراسلة وكانت في فنلندا افتكر وكنت عن طريق ابلكيشن بتحط رغباتك في الشخص اللي عايز تراسله من حيث السن والجنس والبلد . وكنت براسل اكتر من حد افتكر منهم بنت من اسبانيا كان ابوها جنايني وكانت في كل جواب تبعته ليا تحط وردة صغيرة كانت من مدريد افتكر.

تطور الامر واصبحت برامج الشات اكثر دقة من المنظمة واسرع في ايجاد المواصفات اللي انت عايز تدردش معاها بس الموضوع مبقاش زي زمان . زمان كنت بفتح القاموس ادور عن معنى كلمة مش عارفها وبالتالي استفادة و تحصيل غير ان الموضوع اصلا كان برئ مجرد تبادل لكروت او هدايا بسيطة .حاليا انت بتدخل الكلام كوبي بيست على جوجل وتخبط الترجمة مبتفكرش حتى تفهم ايه الموضوع اهم حاجة نلقط طرف الخيط وهوب اكتب كلمتين عربي وترجمهم بذات نفس العملية وديب اخبط . حتى ان حجم التبادل اصبح اكتر بس ومش كله طبعا التبادل اصبح ذو محتويات رهيبة والموضوع اصبح كله قرف و اشتغالات وتضيع وقت.

انا ولا انا مثالي ولا انا عجوز علشان اقول كده بس بجد انا جربت الاتنين المراسلة قديما والشات حديثا .الموضوع عامل زي اكل البيت واكل التيك اواي و قدر سعادتك انت الفرق .

كان ابويا بيفرح لما اجري اوريه جواب او اسأله على حاجة  او افرجه على كارت وصلني. حاليا اصبح الموضوع انك بتدخل الكهف علاقاتك مع نفسك مفيش الفرحة مجرد بتدخل على جهاز او تليفون وتلتهمك التكنولوجيا بدون اي استفاده بال بالعكس في اوقات كتير بتضر نفسك .

مش عارف حاسس ان الموضوع اللي بتكلم فيه بايخ بس والله الوضع بقى ابوخ و يقرف .

يا ريت فضلنا بدون تكنولوجيا على الاقل كنا حنتعلم .

التعليقات

  • محب روفائيل

    عارف كان نفسي الحق حتة من الزمن بتاعكم ده، لكن للأسف كل اللي قدرت أعمله هو اني أشم ريحته في كتب اللغة الإنجليزية في الإبتدائي والإعدادي، كانت تغيب وتشرح حوار المراسلة ده ... ليت الزمان يعود يوما إلى ما كان قبل زماني!
    0
    • A kadry

      على فكرة انا مش كبير كده ههههههههه بس فعلا انا محظوظ لحقت شوية من الجمال والبيور وحتلاقي برضه اكبر مني سن بيقول للي اكبر منه كده فعلا امبارح احسن من النهارده وليس العكس
      0
  • A kadry

    هي لو على المجاملات يبقى كويس جدا انما الموضع عدى المجاملات دي بقت حاجات ربنا يستر وفعلا مفيش العمق الموضوع بقى بسرعه وممكن يخلص قبل ما يبدأ اصلا
    2
  • Ms-nona

    العلاقات كانت اعمق و ذات معنى
    اللي يعزك راح يوصلك
    اما الان اغلب اللي عبر وسائل التواصل مجاملات لان الموضوع لا يوجد به ذلك العناء الذي يبيّن اهميتك للغير
    1

يجب عليك تسجيل الدخول لتتمكن من إضافة تعليق