خسارة الاهلي

A kadry

A kadry

بتاريخ نشرت

النادي الاهلي خسر يا رجالة !

وسط تحليلات ووسط غم ووسط كآبة عاشها امس جمهور النادي الاهلي لخسارة عرش القارة السمراء الا انني سعيد لخسارة الاهلي ايوة .تقولي الاهلي بيلعب باسم مصر اقول لسعادتك عمرنا ما سمعنا حد بيقول مدريد بيلعب باسم اسبانيا ولا اليوفي بيمثل ايطاليا ولا اي فرقة بتمثل غير نفسها.

ايوة الاهلي خسر لنفسه مش لمصر طيب هل كده انا متعصب فعلا ولو قولت غير كده هكون منافق انا كوني بشجع فريق تاني ايا كان حاله او وضعه او بطولاته هيفضل حبي وحب حضرتك للفريق اللي بتشجعه .

طبعا انا بعتذر دا مجرد حاجة داخلية وانا بواسي اي حد اهلاوي ومن قلبي علشان الخسارة فعلا محبطة بس انا بعزيهم كأهلوية كجمهور رائع لنادي راجل فعلا وهي دي الروح الرياضية اللي عايزنها تسود فعلا عمري ما ححب ناديك وانت كذلك وعمري ما هتمنى فوزه وحضرتك برضه كذلك بس يقف الامر عند كده.

اللي حنتابعه من امبارح وعلى مدار فترة هو مجرد قلة ادب تحت مسمى قصف جبهات يا عم انت فريقك كسب ملكش دعوة بغيرك او بفريق تاني فريق منافس ليك خسر وماله ما انت برضه بتخسر انما افرح من جواك بس متبينش.

الخلاصة التعصب مش اني فرحان ان الاهلي خسر التعصب هو المغالاه في الفرحه والتقليل والشتيمة والتطاول على ناس كل ذنبها ان ابنها بيلعب كوره في النادي  وده هوالغباء واللي حضراتكم حتابعوه الايام الجاية وربنا يستر يا رب.

التعليقات

يجب عليك تسجيل الدخول لتتمكن من إضافة تعليق