نصاب ومشعوذ

A kadry

A kadry

بتاريخ نشرت

طيب تكملة لصديقى الكبير والعزيز عم فاروق ( اللي صورتوا من غير ما احمض الصور ).

كنت في مشوار عبارة عن افتتاح مكان  لصديق عزيز القصد لقيت  شوية تراب من الارضية روحت مجمعهم حطيتهم في كيس صغير ونسيته في جيبي .

روحت القهوة بالليل وعم فاروق مستنيني علشان نلعب طاولة كالمعتاد طلعت ما في جيوبي علشان اولع سيجارة ولقيت الكيس الصغير اللي فيه التراب فضحكت فسألني مالك قولتلوه جبتلك تراب سحري حكسبك بيه.

بدأنا اللعب فطبعا انا كنت من الخباثة اني لازم انرفزة علشان يلعلع فكنت كل حبه اطلع شوية تراب من الكيس وارشهم على الطاولة وانا بقول اي كلام على اساس انه سحر ومع القائي للزهر(النرد)كنت بطلب  رقم معين وطبعا للحظ كانت بتصيب ويجي الرقم اللي انا طلبته .

عمنا اتحمل مرة والتانية وفجأة طلعت زرابينه وهاج وماج قالي مش لاعب يا عم سأله واحد كان قاعد مالك يا حاج فاروق قاله بيشعوذ يا عم  جايبلنا تراب وبيسحرلنا وفجأة راح قايم ورافع الكرسي بتاعه انا كنت في هسترية ضحك ومش قادر اسأله فبشاور  بمعنى في ايه قالي اكيد عاملي عمل تحت الكرسي يا نصاب يا مشعوذ...

التعليقات

يجب عليك تسجيل الدخول لتتمكن من إضافة تعليق