فاصل ونعود

A kadry

A kadry

بتاريخ نشرت

تكملة لموضوع الاستفزازات اللي هي الاعلانات ..

بالنسبة للاعلانات اللي اصبحت شبه برامج ولا مؤاخذة يعني ايه واحد معرفلهوش هوية يجي يصدعني على منتج برضه ملهوش هوية مهو لو صرح كده كنت اتقدمت بيه لاي مؤتمر ونلت عنه جوايز انما ايه لا فئران التجارب موجودة وكله يوصلك لحد البيت ..

بتكلم عن الاعلانات المفروض بتقدم روشتات علاجية وخد من دا كتير مرهم للضهر بخلاصة العسلية وفيتامينات لخشونة الركبة من عصارة كبد هدهد يتيم حاجة تشل ..

لا وكانوا الاول بيظهروا على استحياء حاليا بيظهروا وبيتلقوا مكالمات تليفون وحاجة اخر اشتغالات في الحمبلايظ .

بالله عليكم بحق موسى وعيسى ومحمد عليهم الصلاة والسلام فككوا مننا احنا ولا بنفهم في العطارة ولا بنفهم في الكميا اخرنا فيهم كناسة العطار وريفو فمتلعبوش على الضغط اللي احنا فيه ..

ثم هو مين في مصر ضهره مش واجعه من اول اللي بيشيل شنطة اولى ابتدائي لحد اللي بيشتري المرتبة اللي معرفش ايه.

مين قولونه مش عصبي مين معندوش سكر ارحموا ام الناس من منتجاتكم ومن غتاتتكم ..

يا ناس يا غتته ...

التعليقات

يجب عليك تسجيل الدخول لتتمكن من إضافة تعليق