فاصل ونعود

A kadry

A kadry

بتاريخ نشرت

طيب مازلت احكي معاناتي مع الاعلانات..

هذه المرة اعلانات التخسيس ربنا رحمنا واتقلص عدد منتجات التخسيس لمنتجين فقط ربنا يستر ومحدش يحاول انه يقتحم المجال تاني المنتج الاول لو راجل كل ومعرفش ايه العلاقة بين تحدي الاكل والرجولة طيب افرض انا ست مثلا مجتمع ذكوري خلي بالك .

طبعا منتج لو راجل كل دا بالنسبة ليا شخصيا قضى على حد اسمه احمد ماهر بس حنعمل ايه طبعا وغيره من الفنانين اللي بتقبل انها تطلع في اعلانات زي دي بس العوزة وحشة وربنا يفتحها على الجميع .

طيب لك سيدي ان تتخيل حجم الدعاية على المنتج وكم الفنانين وكوريا ونمور والجدع اللي معندهوش حضور خالص دا اللي نفخنا انه خس يا رب يتخن تاني لما سعادتك كراجل منتج للمنتج عملت كم الدعاية دي كلها والله احسن كنت فتحت قناة وقضيتها مع نفسك وادي دقني لو حد خلاها على الرسيفر .

المنتج التاني فيا اناناس  حتخس بامان حتخس بامان زي ما يكون الزيادة في الوزن والسمنة نوع من انواع البلطجة  او حد حيثبتني لو حاولت اخسس وبرضه نفس الرخص بس استعان بممثلة يعني اعتقد نفحتها اقل من لو راجل كل والست اللي جيبنها من سفارة البوسنة اللي بتتكلم انجليزي وبتتحفنا بعبارة هتخس بيأمان ..

طيب انا راجل عندي زيادة وزن والزن على الودان امس من السحر اختار مين في ظل انا الاعلانين حدخل حمام بيتنا حيطلعولي في المراية وانا بغسل سناني .

والله حاجة مستفزة جدا ومنتجات مش عارف نفسيا مش مرتاح ليها بس حنعمل ايه طول ما العبيط موجود الحدق عايش وربنا يسهل ..

التعليقات

يجب عليك تسجيل الدخول لتتمكن من إضافة تعليق