عدنا

A kadry

A kadry

بتاريخ نشرت

طيب علشان الدم ميبقاش تقيل ونكرر ونسف على الاعلانات مع ان السف عليها جميل .

بعد الفاصل بقى تعالى وقولي واقولك ونقول لبعض لما سعادتك كمنتج ليك اهمية او ملكش نفع او ضرر حستفاد منك ولا لا طيب منجرب حاجة عملتها شركات كتير الا وهي رعاية معينة .

وفر اعلاناتك المملة وارعى مستشفى مدرسة نادي شباب وتخيل سعادتك وانا بشتري منتجك والاقي كلمة سحرية وحتى لو بالكدب جزء من ثمن الشراء لصالح كذا ايا كان.

طبعا مفيش حد من بتوع الانتاج حيشوف كلامي ده انا متأكد انما اهو الواحد بينفس باللي نفسه فيه.

يعني النهاردة تخيل بجد لو منتجك دا بيرعى طلبة او بحث علمي او بتوصل ميه او عامود نور او بترصف شارع تخيل الناس حتقدرك ازاي .

بدل ما تنط علينا بجهبزة واختراعات واشتغالات ان منتجك ملهوش مثيل وانه الفيت في السوق خليها دعاية ايجابية ان منتجك حيراعى اي حاجة .

هو مثلا سمنة الهانم ولا سمنة شيخ البلد بالله عليك في فرق مهو الاتنين بيزودوا البلاوي في الجسم .

ومن هذا المنطلق نخلي الاعلانات موجه واكتفي بيافطة في الشارع عرفني انك الراعي الرسمي لمكافحة حرق قش الرز في فوة كفر الشيخ مثلا ولا راعي جهود وتغير مسار الصرف الصحي من البحر تخيل لو انت بتوصل شوية عواميد نور في شندويل سوهاج ولا بترعى الصناعات اليدوية في كوم امبو اسوان .

عايز حضرتك امثلة تانية دور حتلاقي بلاوي .

اهو من جهه تبقى بتحلي منتجك و بتكفر عن سياتك لو المنتج وحش ومن جهه تانية رحمتنا من التليفزيون وخليت الست تتفرج على الفيلم والا المسلسل بدون تقطيع وترحمني وانا بتابع هجمه متأكد ملهاش لازمة للزمالك وضغطي يعلى اكتر من ضياع الهجمة بسبب صورة اعلانك اللي قرر مخرج الماتش علشان الدعاية ينزلها في اسفل الشاشة مغطي احمد مدبولي وهو بيتفزلك و الكورة بتضيع منه من غير افادة ويبص لبرة على نيبوشا يتصدم انه بقى ايهاب جلال . صباح الفل....

التعليقات

يجب عليك تسجيل الدخول لتتمكن من إضافة تعليق