كلام جديد

A kadry

A kadry

بتاريخ نشرت

عندي واحد صاحبي تخين ودمه خفيف هو من محافظة الشرقية وطبعا الشراقوة ليهم لكنات غريبة في الكلام.

المهم صاحبي ده ليه اصحاب انا اعرفهم معرفة سطحية فيهم واحد بيشتغل في مجال الصيانة للالات والمعدات القصد كنت مع صاحبي الشرقاوي وبيكلمني انه بكرة حيروح لصاحبه الفني دا علشان يشتروا بعض الحاجات ومن ضمن الحاجات اللي حيجبوها  ( تون ) انا سمعت الكلمة من هنا ومعلقتش باعتبار ان الكلمة دي عبارة عن احد قطع الغيار المتعلقة بشغل صاحبه .

المهم انا الكلمة استرعت انتباهي فعدت عليه انه يقولها تاني فقال ( تون ) سمعتها كور فبقوله كور قالي ( تون ) قولتله توك قالي ( تون تون تون ) بصوت عالي طبطبت عليه وهديته قولتلوه بشويش تون دي يعني ايه قالي تون يا احمد تونة يعني . طبعا انا اللي جالي جالي وقولتلوه بالله عليك اوعى بناتك يسمعوا الكلام ده حرام انت متدمر في اللغة العربية فمدمرش جيل تاني وحلفتله بأغلظ الايمان ان كلمة تونة في حد ذاتها جمع ومفرد ( سمكة التونة / اسماك التونة ) .

الحاجة الغريبة ان صاحبي مازال مقتنع انها كلمة عادية وانا اللي مش فاهم مش اكتر ربنا يرحما ويرحم اللغة العربية مننا .

التعليقات

يجب عليك تسجيل الدخول لتتمكن من إضافة تعليق