حطلعت حنفي

A kadry

A kadry

بتاريخ نشرت

كنت اراقب نفسي اثناء يومي الطبيعي ماذا افعل ؟ اذا تعرض احد الزملاء هل اشعر بالشماتة ام بالتعاطف ؟

التخبط والصراع الداخلي الذي ينشئ من الاحداث . 

هل لاحظت اثناء وقوع احد زملائك او اصدقائك في مشكلة وجود بعض الخباثة في داخلك توحي بالفرح هل تعاني من تلك المشكلة .

صباح الفلسفة اللي متأكلش عيش .

واحد صاحبي وحبيبي جدا والكلام ده كان اعتقد سنة 99 وقبل دخول ال 2000 كنا قاعدين عالقهوة وفجأة قمنا علشان نجيب حاجة ليفاجأ بان تليفونه مش معاه وطبعا ارباب تلك الفترة حيقدروا اسعار التليفون الجوال وقتها وما يستدعي انها تكون مصيبة لو تليفونك ضاع او اتسرق عكس هذه الايام .

المهم صاحبنا استعوض ربنا على ضياع التليفون وطبعا وقتها كنا طلبة واتعرض لتوبيخ من والده رحمة الله عليه وطبعا تعاطف رواد القهوة وكلام المواساة خلي بالك انت مستهتر اصلك مش تعبان في تمنه وما يستوجب من عبارات توبيخ للناس .

لحد كده فل انا بقى فين انا كنت من جوايا مشفق عليه ولكن كنت عمال ابهدله على ضياع التليفون برضه .

كل دا عادي فين الزتونة يا عم ؟ الزتونة ان صاحبنا وبعد اسبوع من ضياع تليفونه وشرائة لتليفون جديد برضه ضاع في نفس القهوة ودا اللي خلاني مش قادر امسك نفسي وطبعا حتى لو صعبان عليا برضه مش قادر 

صاحبنا في حالة لا يرثى لها وباقي الزملاء بيواسوه وانا مش قادر اقف من كتر الضحك حتى لما شتمني برضه قعدت اضحك.

وسبب ضحكي ان صاحبنا ده كان بيتريق على واحد تاني صاحبنا برضه بس مش قريب لينا اتسرق سنتين ورا بعض باختصار عندهم دكان قطع غيار والده اشترى خروف العيد رابطه قدام الدكان طلع لبيت يتغدى وخلى صاحبنا يقعد يحرس المحل والخروف طبعا عقبال ما يخلص الغدا ولما كان صاحبنا عايز يدخن  وخايف من ابوه ليشوفوه من البلكونة فدخل شارع جانبي يشرب السيجارة علشان يرجع يتفاجأ ان الخروف اتسرق ودي اول سنة وتخيلوا علشان الرتابة والتطويل يحصل نفس السيناريو السنة اللي بعدها ويتسرق الخروف برضه بسبب السيجارة . 

طبعا مواقف ولكن لم املك نفسي فيها الا ان اضحك وعودة لصاحبي اللي اتسرق منه الموبايل اثناء ضحكي بصلي وقالي انت شمتان فيا قولتلوه لا اصلك طلعت حنفي ( اللي اتسرق منه الخروفين ) ليسقط صاحبي جانبي من الضحك على حاله .

التعليقات

  • محب روفائيل

    مالها الفلسفة حاجة نضيفة، أنا قلت أخيرا هتكلمنا عن الفلسفة.. إنت عملت زي أغنية مصطفى كامل اللي بتبدأ ب "بعيد عنك"
    إحساسي بعد قراية الموضوع ده هو بالظبط إحساسي بعد سماع الأغنية كاملة "بحس إني أنا متضايق .. إلخ"
    ده مش معناه أن الموضوع أو الإغنية وحشين، لكن معناه أني كنت عاقد أمال عظمى: Great Expectations :D على كل منها وبعدين خاب ظني..
    مساء الورد :D
    0
    • A kadry

      وماله يا مستر محب نفرد مقال للفلسفة حدد انت محتاج تتكلم عن الفلسفة في المطلق ولا الفكر الفلسفي ولا ايه وانا على قد ما اقدر نتكلم مش ضليع بس ماشي الحال وشكرا لتنويرك ليا
      1
      • محب روفائيل

        لا العفو، إنت كتاباتك كلها ممتعة، بس معلش إكتب الإسم الأول ﻷن إنت عارف أن في بلادنا مش حلو قوي أننا ننده حد بإسم والده عكس برة.
        0
    • A kadry

      وتتفق حضرتك او تختلف انا شايف ان في واحد زي يوسف زيدان خير متحدث فلسفيا في الوقت الاجوف ده
      1
      • محب روفائيل

        يوسف زيدان موضوعي ومتصالح مع نفسه عكس ناس كتير، رغم أنه أضر بالتراث المسيحي بردو، لكنه مايزال موضوعي..
        المشكلة الحقيقية فيه حوار السرقة الأدبية اللي عملها وقلد بيها رواية عزازيل.. أو هكذا قرأت..
        1

يجب عليك تسجيل الدخول لتتمكن من إضافة تعليق