يومي الثالث ( قلة ادب )

A kadry

A kadry

بتاريخ نشرت

مين فينا متفرجش على دراما من اي نوع او جنسية طبعا كلنا بحكم الطفولة اضطررنا لان نشاهد كم من الاعمال الدرامية  والافلام سواء كانت جيدة او فقيرة او ايا كانت بحكم اننا كنا قاعدين في البيت .

طيب اقفل عنيك بقى شوية واسرح في موقف زي دا يكون حصلك وانت صغير حضرتك قاعد على كنبة اريكة كرسي على الارض والست الحاجة او خالتك او تيته اللي مش رهيبة المهم عنصر نسائي فاهم وشوف طلة اي ممثل او ممثلة واتفرج او افتكر النقد البلدي .

اول كلمة هي (لو كانوا جابوا فلان او فلانة كانت هتبقى احسن او اليق في الدور ده )وخد بقى كم من الحضور ونقد لا تستطيع لجنة اختيار الاوسكار مجاراته طبعا البطولة هنا كانت لشخصين بالنسبة ليا جدتي وخالتي اللي كانت متجوزتش لسه فكنت بمر بفترات جحيم بسبب النقاشات واختيار الملابس بل وحتى النقد للحوار .

 المشهد دا مدخل لشخص او بالادق فتاه كانت جالسه خلفي في السنما فانا اعشق مشاهدة الافلام من هذه الشاشة العملاقة حضرتها قاعدة وريا  وهات يا نقد في الابطال صبرت وهات يا تريقه ماشي واظاهر انها اندمجت جدا مع الفيلم فبدأت تشهق ويالهوي وتحظر البطل من الخطر اللي وراه وكنت مستعد اديها عمري بس تقولي هو حيسمعها ازاي وبدون سابق انذار تطور الامر واصبحت بتتوقع الاحداث لدرجة ان الفيلم كان فيه حبكه وتريكه بجد حرقتها بعد كل ده وقبل الفيلم ما يخلص وبعد ان كنت ركزت معاها ونسيت الفيلم وكل شوية الف وابصلها وانا من جوايا مش عارف اضربها علشان حرقت الفيلم ولا اهنيها لحسها الدرامي  وقبل الفيلم ما يخلص وانا في لفاتي المتكررة ليها راحت بصالي بقرف وعنيها لمعت مع اضاءة شاشة السنما وقالتلي في حاجة مش نحترم نفسنا شوية ونهتم بالفيلم قلة ادب !!!

التعليقات

يجب عليك تسجيل الدخول لتتمكن من إضافة تعليق