يومي الرابع ( لحمه ولا فراخ )

A kadry

A kadry

بتاريخ نشرت

كنت مسافر على الطيارة وركب جنبي شخص قروي وكان واضح انه عمره ما ركب طيارة انا اصلا مش اقصد اعيب فيه ولا حاجة انما اللي اقصده قلة المعرفة حاجة وحشه .

القصد صاحبنا ركب جانبي وكان مخضوض لدرجة مخيفة بدأ بأنه يبصلي برعب والمضيف بيطلب ربط الحزام ربطهوله وعلمته يربطه ازاي وبدأ يبص من شباك الطيارة بستغراب واصلا الطيارة كانت لسه واقفه بتتحرك ببطء على المدرج الخاص بيها .

شويه وجه المضيف بسماجته المعهوده وسؤاله العبيط فراخ ولا لحمه طبعا اخينا كان ميت في جلده فحلفت انه ياكل  وفهمته ان الحساب عندي اكيد فهمتوا انه كان خايف ليحاسب على الوجبه وطبعا امعانا في الهزار حلفت ليشرب كولا او عصير او اي حاجة يخترها وطبعا عزمت عليه بالقهوة بعد الاكل وفضل صديقنا متأثر ومش عارف يعمل معايا ايه ولا يرد الواجب ده ازاي بس كان قلقان على المدة وكل شوية يسألني فاضل قد ايه ونوصل بعد ما حسيت انه طيب لدرجة عاليه جدا شرحتله الوضع وفهمته ان دي وجبات من الطيارة مدفوعه الاجر ففاجأني باغرب حاجة قالي انا كنت فاكر ان حضرتك اللي حتحاسب بجد علشان كده قبلت اني اكل فراخ بس انا كنت عايز اكل لحمه فطست على نفسي من الضحك .

التعليقات

يجب عليك تسجيل الدخول لتتمكن من إضافة تعليق