يومي الخامس ( المرة الجاية )

A kadry

A kadry

بتاريخ نشرت

 محتار في اليوم الخامس اكتب ايه الموضوع فعلا معقد رغم كم الحكايات اللي مرت بالواحد بس في حاجات تنحكي وحاجات انا شخصيا افضل انساها قربت امسك خيط حكاية جديدة .

بحسد الجيل الحالي من الحبيبة على حبهم وفي نفس الوقت مشفق جدا عليهم ففي الوقت اللي كنت في رومانسي لاقصى درجة وكنت لا اتخيل ان النوم ممكن يعبر قدامي من غير ما اسمع صوت المحبوبة وقتها حبيبة اليومين دول وبمنتهى السهولة ممكن تتواصل ولو عن طريق الواتس كلمة قلب ممكن يخلي قلبك شخصيا يزغرد من الفرحة .

ان حضرتك تقدر في دنيا التواصل الجديدة دي من انك توصل احساسك في اي وقت وفي اقصى الظروف كان على ايامي الاتصال بالليل ومجرد سماع صوت حبيبتك وحتى وهي حد جنبها ومش قادرة ترد كان بيخليك طاير وتقدر تتنفس لليوم التاني . الى هذه النقطة تعظيم سلام للتوكنولوجيا ولكن الحب اصبح تيك اواي سهل واسف حاسه رخيص ملهوش طعم .

زمان كنت جنب حبيبتك في الشارع وعنيك بتتحول لرادار مين بيبص مين بينتقض مين قريبك او جارها بيشوفكم وكان في ادب في التعامل لكن للاسف في عصر التيك اواي والايقاع السريع اصبح مجرد شاب وفتاه يشمئز له العين من التدني وعدم الا اخلاق افتكر اني كنت اتكسف امسك ايد حبيبتي في الوقت اللي حاليا الايد على الكتف بمنتهى الامبالاة وقلة الذوق .

انا عارف ان الوضع اتغير بس للاسف للاسوء رجعولنا الكسوف والحب العفيف رجعولنا الكورنيش والحبيبة رجعولنا جرسون الكافيتريا الشيك الجدع اللي لو الفلوس زنقت معاك ميكسفكش ويقولك المرة الجاية .

التعليقات

يجب عليك تسجيل الدخول لتتمكن من إضافة تعليق