يا شيطان

A kadry

A kadry

بتاريخ نشرت

انا من عشاق الراديو وورثت العادة دي من جدي وجدي دا حكاية لوحده ربنا يرحمه في اخر 10 سنين اتصاب في عيونه وبعد الشر عنكم اتعمى فكان الراديو اكتر صديق ليه .

من عاده جدي انه يشغل اذاعة القرآن الكريم في الفجر وكان بيستنى انتهاء الصلاة في الراديو اللي هي منقولة من القاهرة وبعدين يقوم يصلي الفجر بتوقيت اسكندرية اللي هي بلدنا.

كنت راجع من سهرة وتعبان وجدي كان مشغل الراديو كالعادة وكنت بنام معاه في نفس الاوضة بتحايل على النوم لحد ما وصل وكانت الصلاة بدأت في الراديو وبدأ الشيخ يقرا سورة الفاتحة وزي ما تقولوا كده جدي اندمج وفاجأة وانا في عز النوم اتفزعت على صوت جدي وهو مندمج مع الصلاة في الراديو وبيقول بعلو صوته آآآآآآآآآآآآمييييييييين بمنتهى الحماس وكأنه في الصلاة فعلا فما كان مني الا اني قمت وقولتلوه يا حاج في ايه متركع بقى معاهم ابوس ايدك يا عم عايز انام . فما كان منه الا انه انتبه وطبعا الاوضه ضلمة فضل يدعبس لحد ما لقى العكاز بتاعه ومشى بشويش لحد سريري وراح لاببني بالعكاز وهو بيقولي يا شطان اخرج من الاوضة يا لعين  مش عايزني اذكر ربنا .

التعليقات

يجب عليك تسجيل الدخول لتتمكن من إضافة تعليق