أرزاق

أرزاق

ربى

ربى

رضا تشعر بالرضا ، بتاريخ نشرت

..ربما ستتحول هذه اليومية إلى تدوينة عشوائية تماماً

الأسبوع الماضي آلمني كاحلي الذي خُلع إثر حادث سيارة قبل بضعة سنين، يبدو أن الأمور الذي تظنها طيّ النسيان قد تفاجؤك عندما لا تحسب لها حساب، بعد أن كابرت الألم لعدد من الأيام توجهت للطبيب الذي انتظرت موعده لعدة ساعات، ولكن الحاجة لتشخيص و دواء جعلاني أنتظر بصمت، حسناً أمر آخر أيضاً...كان هناك موسيقى كلاسيكية تصدر من مكان ما طيلة الثلاث ساعات من الإنتظار، وبعد أن حان دوري اكتشفت أن الطبيب يضع قائمة لانهائية من المقطوعات المذهلة    خرجت بقائمة ممنوعات تليق بأميرة و ليس مُدرٍّسة كادحة، و قائمة من الأدوية التي لم أشترها للآن..  

الأسبوع الماضي كان حافلاً جداً بالعمل، الكثير من المهام، و مشادة كبيرة مع زميلة تظنُّ أنني حمقاء ولا أعرف القوانين، وأنا بطبعي قد أبدو هادئة و وديعة ولكن عندما أريد أتحول لشخص شرس جداً لا يهاب قول الحق، أو أن أقول للأعمى أعمى في وجهه..

مضى اليوم، و انتهى ببشارة تثبيتي بالعمل، أي أن -تسريحي- من العمل غير ممكن إلا باستقالتي، ولذلك أخذت معي اليوم شوكولاته للزملاء بهذه المناسبة، و الجميل في هذه المواقف صدق وحميمة البعض الذين تشعر بأنهم يهتمون فعلاً لأمرك و ليس من باب المجاملة الاجتماعية..

إحدى زميلاتي سُعدت جداً بصدق ، و أخبرتني أنها كانت تخشى عليّ من أن يحاك ضدي شيء ما من مريضي النفوس، خاصةً أنني صريحة في تعاملي..رددت عليها بصدق، الأرزاق بيد الله ولا يهمني جميع خلق الله لإنني توكلتُ عليه، و أنا لن أخشى قول الحقّ لا قبل هذا القرار  الإداري ولا بعده..الإنسان بالنهاية مجرد موقف، ولن أقبل أن أذكر كشخص ضعيف يخاف كلمة الحق.

بالمناسبة لا زلتُ أستمع لنفس مقطوعات ريتشارد كلايدرمان، لديها مفعول مهدئ مُذهل..وصلتُ مقطوعة بعنوان A time for Us..

و،

كيف أسحب الأرباح من باي بال؟ 


التعليقات

  • النورس الأسود

    ما شاء الله تبارك الله . . مبارك مس . . متى التحلاي إن شاء الله ؟ :P
    الحمد لله .. الحمد لله . . هيك أحسن بكثير . . بدل ما يحس الواحد حاله لا معلق ولا مطلق . .
    الله يرضى عنك ويحميك . . وإن شاء الله وجع رجلك فيه أجر وعافية . .
    والله أنا اللي لازم أحلّيك . . بس تيجي أو آجي إلك منّي منقوشة زعتر . . أو لفّة مسخن . . برضو بزيتاتكم وسمقاكم . .

    بعرفش بشو بتفكر هاي المس اللي تمشكلتي معها . . بس شكلها من جماعة (من تحت لتحت) وأنا بحبش هيك . . الله ما بيرضى الظلم . . والمنافقين اذا بفكروا حالهم ما رح يبينوا . . اسمعي في مقولة عن سيدنا عمر بقول فيها (أنا لست خِبًّا وليس الخبِّ يخدعني) يعني (أنا مش نصّاب ولا سرسري والسرسري بضحكش علي) . . هيك المسلم . . وهيك القدوة بكون . .

    وانت هيك مس ربى . .

    الله يرضى عنّك يا رب . . ومبارك القائمة الجميلة من المقطوعات . . ويّلا بلكي زرناكم قريبًا . . وحضرت عندك حصّة :P
    1
    • ربى

      الله يبارك فيك يا رب، عُقبالك ما تتثبت بشغل أحسن من هالقرف الي انت فيه!
      بدك تحليني، ما بدي لا منقوشة ولا لفّة مسخن، بس إذا بتعرف تسوي طابون مع كاسة شاي مرتبة يا سلام =)
      في ناس كلاب بعيد عنك و جزء من الحياة انك تنوّع في الناس الي بتتعامل معهم، المهم أنا مش من النوع الي بسكت على الذل، و لو ما رديت في لحظتها بكون لاني بحاول أعذر، بس بعد ما تنفذ الأعذار GAME OVER
      الله يسلمك يا عمّي و ما تشوف شر، و سلامتك انت كمان شفت اليومية تبعتك و للأمانة إشي بخزي الوضع الي عم تمر فيه..بعرف ما طلبت نصيحتي بس شغل زي هادا ما لازم تصبر عليه أبداً أبداً..من هاللحظة ابدا دوّر على شغل تاني، أي اشي وان شاء الله بتتوفق و بتلاقي، حتى لو راتب أقل والله الراحة النفسية أهم من كل هالمسخرة..ولما تلاقي شغل، ما تحكي لحد...أبداً..احشرهم بالتوقيت و اطلع بوقت يزنقهم و ينضغطو زي ما ضغطوك حسبي الله عليهم
      المشكلة اني للأسف بتنبأ اني وضع المدرسة عندكو يصير أقطع من هيك لإنه من كلامك المدير شكلو ما بستحي ولا بعرف العدل..ما تصبر على هالوضع..المدارس الخاصة غالباً هيك حتى عنّا بمصو دم الأستاذ وراتب بخزي آخر الشهر..جربت أشياء تانية حتى لو شغل حر..
      ما تهمل بحالك يا حج نورس حرام عليك، و أنت أدرى بهالحكي، ما تخلي الوحدة تقتلك هيك، اهتم بحالك أنت أكتر واحد بالذات لأنه ما في حد بقدر يعاونك =(
      دعواتي إلك بالخير و التوفيق
      1
      • النورس الأسود

        ههههه عقبالي ما أتثبت ؟ ؟ أكلت الككا وأنا ساكت . . بالعكس يتم التثبيت من أول يوم . . وبحطوا عليك غرامة 2800 دولار أمريكي (2000 دينار أردني) مشان ما تمزطي وتشردي من عندهم . . حاسبينها اولاد الحلال . .
        بس خلص . . ظايل هالفصل وبعدين بمعط من عندهم الله لا يوفقهم ولا يسلم في بدنهم ولا عظمة . . قسمًا بالله الخميس من الصراخ حسيت صار معي افتاك يا بنت الحلال صارلي يومين نايم بالتخت والحمد لله بلشت تخف معي الأمر بالتدريج . .

        وضع مدرستنا زبالة . .
        شوفي هالتعليق مثلاً على المدرسة . .
        "مدرسة ضعيفة جدا جدا
        أول ما تروح عشان تشوف المدرسة بعملوها جامعة هارفرد غرفة العاب الكترونية وغرفة تنمية مهارات وغرفة نوم اذا الطالب أو المدرس تعب بروح بنام وبقدمولك عصير وقهوة وكيك. ..... وشرح وتسويق .....وبس تسجل بتروح عليك
        تدريس الإنجليزي ضعيف جدا جدا جدا معلمة خريج جديدة بدون أي خبرة وضعف واضح في الأداء. وبس وصلنا الفكرة للمديرة بتحكيلنا سجلوها في British council .
        ومرة عملو اجتماع للأهالي والكل اعترض على الإنجليزي .... وكان حل المشكلة انو بطلوا يعملوا اجتماعات .
        الملخص : الفرق بينها وبين الحكومة في باص يوصل الطلاب فقط . والمشكلة الباص بيجي على 6:20 الصبح والبنت بتوصل على المدرسة بعد بداية الحصة الاولى.
        بعدين ديرو بالكم تتاخروا ربع ساعة عن دفع القسط برن عليك قسم المالية وبرن عليك المدير المالي وبعد نص ساعة برن عليك المحامي وبهددك ادفع ولا برفع الكمبيالة للمحكمة. بتروح ثاني يوم بدك تدفع بحكولك الكمبيالة مع المحامي واحتمال رفعها للمحكمة. مع العلم انو الفصل الأول ما خلص و 80% من قيمة الاقساط مدفوعة.
        تنظيم سيئ جدا ومتابعة أسوأ... المعلمات مش فاضيين للطلاب .. طلاب الابتدائي بضربو بعض وبسرقو أغراض بعض وبوسخو بعض وحفيد مديرة الابتدائي قالبها حارة ومعجب على الطلاب .. و كمان في الباص الطلاب بعجبو على بعض والمرافقة دايخة ومش عارفة تعمل اشي .
        والواجبات البيتية حدث ولا حرج كل يوم البنت بكون عليها 50 واجب .. شو بعملو بالصف انا مش فاهم"

        شايفة كلمتك هاي "لما تلاقي شغل ما تحكي لحد...أبداً..احشرهم بالتوقيت و اطلع بوقت يزنقهم و ينضغطو زي ما ضغطوك حسبي الله عليهم"
        هاظ اللي بدي اياه يصير تقريبًا بشهر 4 . . واذا صار اللي براسي . . والله لخلي شجرة تطلع براسهم . . وأشوف من اللي يحمل ال 26 حصة نصابي . . والله المدرسة لتصير تكاكي زي الجاجة. . غيبة معلم واحد بتكسر الكل . . لإن حملة مش بسيط والإشغال بكون مهلك جداً . . وهيني مجرب . .

        خلص ماشي . . بنجيب صوبة الكاز . . وبنشتري خبز طابون وبنقحمش عالصوبة مع كاسة شاي وشوية زيت . . بطلع إشي طقع . .
        1
        • ربى

          الحكومة غير يا نورس، وأنا الحمد لله بتوفيق من الله تسهلت أموري سريعاً و هلا أصلا بطل في وظايف بس عقود الي بده يشتغل لا عطلة مدفوعة ولا إشي، بس هلا أنا بقدر أدخل و أدفش الباب و ما حد يقلي وينك..
          عفكرة بتذكرني بحالي أول توظيفي شو كنت أهلك حالي، قال أصرخ بالطلاب المشاغبين و أنا بعد لأأول صوت صوتي بنتبح أسبوع لإنه طبيعة صوتي مش عالي كتير..بس بعدين تعلمت الطرق الصح لضبط الصف، ما تحر حالك، صدقني و آخرتهم يتربو..كل ما تعلي صوتك رح يعلو صوتهم..ما تصرخ أبدا أبدا فيهم..بالعكس اقعد و اتفرج..وهيك هيك هم مش ساكتين لشو تحر حالك..ادخل الحصة الي بعدها و أعطيهم اختبار من قاع االدست الأسود..و طبعا كل اشي اكتبه عاللوج عشان هيك تقيم عليهم الحجة و البرهان..مرة عملتها بخامس..حسبي الله عليهم..أول توظيفي ولا قبلو يسكتو و كنت أعطي جغرافيا كمالة النصاب، طيب ما بدكم تخرسو..كملت شرح و الي سمع سمع والي ما سمع الله لا يقيمه..وطبعا كتبت على اللوح..بعد الحصة جمعت الطلاب الي فيهم أمل و سالتهم إذا بدهم إشي و شرحتلهم إلي بدهم إياه..وأعطيت اختبار..وهيك لما صرت أكتب أشي عاللوح يخرسو و يكتبو..بعدين إنت عربي لازم تهلكهم كتابة لانه إذا ما شغلتهم بشتغلو بسماك..فتش عالدفاتر و اخصم..باعتبار العربي مادة أساسية بإيدك سلاح فتاك اخصم علامات الله لا يجبرهم..وبس يجي حد من الأهل احكي الي بقلبك..آه صحيح، مرت مسكت التيليفون و صورت الصف، وورجيتهم الصورة و حفظتها إذا بيجي حد يقولي ابنه ملاك أقوله قصدك هادا الي فوق الدرج؟؟؟؟؟؟؟
          في تعليق كتبته على حسوب ممكن يفيدك:

          io.hsoub.com

          وين مرشد المدرسة عنك صحيح؟ مش بقبض زيك زيو؟ يجي يشوف هالخلل يحلل قرشو
          بعدين صحيح..النصاب هون أعلى إشي 26 إذا بتعطي إعدادي فقط و أظن 24 للثانوي..بالنسبة للإبتدائي فهو 28
          في حصص تفريغ للحاسوب و الصحة و الرياضة..لازم تشوف القوانين أو تسأل حد بتثق فيه لتعرف شو الي بيصير حواليك..

          خبزة مقحمشة و شاي دلال :3 و شوية شمس كمان

          ...جربت العمل الحر؟
          0
  • ماريه زبيري

    مباااارك يا ربى ، وشفاك الله وعافاك .
    2
  • رياض فالحي

    مبروك التثبيت بالوظيفة،نحن هنا نقول الترسيم،إن شاء الله تكوني بخير من الألم بالكاحل.
    بالنسبة لسحب الأرباح من الباي بال فقط قومي بتحويل المبلغ على الحساب البنكي أو البطاقة المربوطة به.
    2
    • ربى

      الله يسعدك و يبارك فيك :3
      لا أعرف بالضبط كيف أسحب الأرباح، يوجد خانة في حساب الباي بال request from ماذا أضع بها؟
      0
      • رياض فالحي

        Using your eligible Visa or Mastercard debit or prepaid card:
        Click Transfer Money below your PayPal balance.
        Click Transfer to your bank, select your debit or prepaid card, and click Next.
        Fill in the amount you are transferring and click Next.
        Review the details of your transfer, then click Transfer $XX Now.
        To go to your Wallet page, click Done.
        Note:
        There is a fee to instantly transfer money using your eligible debit or prepaid card.
        All transfers are subject to review and could be delayed or stopped if we identify an issue.
        Estimated arrival: about 30 minutes.

        Using your bank account:

        Click Transfer Money below your PayPal balance.
        Click Transfer to your bank, select your bank, and click Next.
        Fill in the amount you are transferring and click Next.
        Review the details of your transfer, then click Transfer $XX Now.
        To go to your Wallet page, click Done.
        Note:

        PayPal does not charge any fees when you transfer money from your PayPal balance to your bank account. Some banks may charge a fee for transfers. Contact your bank directly for more information.
        You can also transfer money from your PayPal balance by requesting a check. (There is a fee for check withdrawals.)
        Transfers made after 7:00 PM ET or on weekends or holidays may take longer.
        All transfers are subject to review and could be delayed or stopped if we identify an issue.
        Estimated arrival: 1 business day
        Transferring money to a bank account or eligible debit or prepaid card within the PayPal app is also easy:
        Tap Manage Balance.
        Select an amount and a destination.
        0
      • رياض فالحي

        from your paypal balance
        to
        you have 2 choice bank acount and mastercard
        you chould link it to a visa or mastercard or bank acount
        if you use bank acount you will ned the swift code
        1
        • ربى

          شكراً لك رياض ، تمكنت من سحب الأرباح دون مشاكل و الحمد لله.
          1

يجب عليك تسجيل الدخول لتتمكن من إضافة تعليق