مُجرد أفكار

مُجرد أفكار

ربى

ربى

بتاريخ نشرت

قد تكون هذه اليومية الأكثر فوضويّة على الإطلاق، قد تمّ تحذيرك..

اكتشفت، حسنًا لا كنتُ أعرف ونسيت الموضوع، الخيارات في يوتيوب التي تُشغل الفيديو ببطئ أو بسرعة أكبر من الطبيعية، لا أعرف كيف غفلتُ عن أداة مذهلة كهذه كل هذا الوقت، أتدرب على مقطوعة سريعة، وأحد الأهداف لهذه العُطلة هي زيادة سرعتي ومرونة أصابعي، ثمّ خطر ببالي فكرة مذهلة، حقاً فكرة مذهلة، هدف ممتاز، بيرفيكت لهذا الصيف، ولكن لا أريد أن أفصح، هل سأعود لاحقًا وأتسائل عمّا كنت أفكر به اليوم؟ أتمنى لا، أتمنى أن أكون عدت وقد حققت الهدف الذي حددته.

عجز ميزانية الدولة أتى في وقته، يقال أننا لن نأخذ مرتباتنا طيلة ثلاثة شهور، ونحن نعيش على أقل من النصف منذ شهور، يعني فلّسنا...ثم يأتي أحمق لعين ويقول المعلمين مدللين، المشكلة أنه كان لدي عدّة اختيارات : كورس المعهد الموسيقي، شراء كمان جديد، شراء لابتوب بدل المكسور المسكين الذي لدي، أو شراء هاتف جديد بما أن هاتفي يتداعى..

كنت، سأضع خطة لإختيار الأولوية، وكنت حقُّا أعطي نسبة كاسحة للكمان الجديد الذي يصل سعره 650$ فأعلى (لا أعرف ما سعر الدولار اليوم؟) ولكن خططي تتبخر..احفظ صورة ورابط الصفحة للكمان منذا أكثر من شهر وقد أغرقت صاحب المحل بمليون سؤال، هذا الكمان..is the one..الحكومة لها رأي مخالف

قبل يومين قررت السماعة التي تعمل أن تتعطل، وهكذا ودّعت سماعاتي التي رافقتني خمس شهور، واشتريت واحدة جديدة، تعطّل السماعات مرعب قليلاً، الأمس بالليل قرر الجميع أن يصمتوا، حتى الجيران الوقحين كانوا بلا صوت، لم يعجبني الوضع أبدًا لذا بدأت أهمهم مقطوعة سامويل باربير أداجيو فور سترنغز، ..اكتشفت مقطوعة مذهلة تماماً بالصدفة، قبل أسبوع وبقيت أستمع لها طيلة الوقت..هذه هي:

https://www.youtube.com/watch?v=ckpxVgrbRwk&ab_channel=JamJeffrey

لا أعرف لم ليست مشهورة كثيرًا مع أنها مذهلة تماماً.

كيف حالكم؟ 



التعليقات

  • رياض فالحي

    الحمد لله
    أتمنالك الخير,انا عن نفسي عن تجربة قديمة مرة ما دفعولنا الأجر إلا بعد مدة,عادة الدولة تدفع بالنهاية
    فالأحسن اللجوء للإقتراض لسد الحاجيات من العائلة
    إذا ما في إمكانية الصبر لمدة بسيطة
    الهواتف في الهواوي دائما أرخص
    نفس الشيء السماعات عن تجربة الصيني ينافس الأصلي
    2
  • النورس الأسود

    يقال إنَّ (موضة تسريع الشيلات) بدأت من أداة التسريع والتبطئة في اليوتيوب (بالذات: التسريع إلى واحد ونصف)..هههههه
    خبرتي في الآلات الموسيقيّة كخبرة أبي محمود الكندرجي في الذرّة، ما أرجوه لكِ هو أن يحقق الله أمنياتكِ.

    الوضع المالي المتفاقم جدًّا سيء يا ربى . . قرايبي كمان بيحكوا نفس الشيء وصحابي اللي بعرفهم من كل مكان بالضفّة نفس الحكي . . في النهاية الظلم ظلمات. . وما تنسي إن جزء كبير من الميزانيّة كان أصلاً جبايات بجبيها الاحتلال باسم السلطة وبخصم عليها رسوم جباية. . وكل ما فطسلهم حدا بقصد أو بغير قصد بيخصموا مصاريفه من ميزانيّة السلطة . . سلطة الشحدة زي الأردن بالضبط . . فش اختلاف . .

    بالله مين هاظ المحترم اللي بحكي إن المعلمين مدلعين ؟ ؟ يعني مشان الله محنا بنفطس وبنرجع بدون صوت . . وبنشتغل شغل حمير . . وبالاخر بيجي واحد محترم بحكيلك . . أصلاً إنتوا بتداوموش . . 3 شهور صيفية . . وشهر شتوية . . وجمعة وسبت . . واصلاً آخر من كل فصل رايح فراطة . .
    هاظ على قولة ستّي الله يرحمها واحد (مألعط. . مصدّي. . بسواش شلن).
    تجادلت مع واحد مرّة هيك . . قلتله يا زلمة إذا بتيجي تعطي بدالي وبتصمد شهر خذ راتب شهرين مش شهر . . وشرحتله شو كان يصير معاي . . فقلي لا أنا مش بايع صحتي . . قلتله خلص انطم وخليك ساكت معناها. .
    كيف حالنا . .أنا ماشي حالي. .كيفك و كيف خوالي ؟ ؟ إن شاء الله بخير ؟ ؟ والله مشتاقلكم كوميّات كوميّات .
    بدنا نصبر . . بدنا نصبر . . والله بشوف إنك تشتري حاجاتك الإساسيّة من لابتوب وتلفون أبدى من الباقيات . . كون الأشياء عندك صارت خربانة . .
    1
    • ربى

      كلو خربان وبنتع مش بس اغراضي انا بحالي بنتع وبشحط في حالي
      شفت اديش حكومتنا زفت مقلعطة..عاساس الفواتير بوففو بالعطلة عاساس منعيش عالهوا يخرب بيتهم اندال

      فوق البهدلة بهدلة شو هالعيشة يا زلمة..ولك والله ما الي شهرين سادة ديوني..فش راحة يعني لازم يضل علي سالب يعني استغفر الله بس بس بس
      0
      • النورس الأسود

        سلامتك من التنتيع . . شكلو متورك كشنت . . بعيد الشر . هههه
        بعين الله .. بتتيسر . . بس هسّا حددي الأولويات . . وأنا بشوف تشتري تلفون ولابتوب مشان شغلك . . مشان إذا خرب لا قدّر الله بدك تقعدي تطلبي من فلان وعلّان . . فخليهم عندك والباقي إن شاء الله بيتدبروا . .
        أو ليش ما تدرسي خصوصي دروس موسيقى ؟ . . شكلك بتفهمي بهيك أمور . . وأكيد بتلاقيلك طلاب معاهد فنون أو إشي هيك بدهم . . وبرضو إنتِ بتستفيدي . .
        الآلة الموسيقيّة الوحيدة اللي شفتها . . هي فقّاشات ستّي الله يرحمها. . شكلهم من أيام العصمّلي . . فقاشات ذهبيات كانت تروح عليهم عالعراس . . أو أحيانا تجيب فنجانين عربي . .
        بعين الله يا خال . . دنيا بدها تمشي . .
        0
        • ربى

          اي كشنطتت معاي وبدي شفة من محلول البطارية كمان اذا بتفع
          طيب على فرض مشيت بتلفون جديد صيني طبعاً على قد الميزانية بس دخلك هالمزاج أبو أبو ما بتعدل والله يلزمني القليل من الدلال يغص بالها الدولة الله لا يعطيهم عافية
          بعدين اه شكلك جديد هون صحيح ليك مفكر هم دابحين حالهم علي المعهد بدهم بوبيات مش حد بنتع..شو رايك اسكت احسن
          0
  • خالد عفان

    دائماً يكون لدي قائمة امنيات للشراء واعمل للحصول عليها ويطول الوقت واحصل على البعض وانسى الآخر، مشي حالك بالموجود والراتب خليه يتجمع بلكي تكون اجتك فكرة اكثر نفع ويجي الراتب بوقتو
    لا اعلما فيم قد تفيدك ميزة اليوتيوب التي اظنها تنفع في كل شيء إلا الموسيقى
    انتبهي لأذنيك، اذني اليمنى مسكرة من فترة وصار لازمها دكتور وبعتقد السبب السماعات غالباً، اذا قدرتي تحصلي على سماعة رأس كبيرة بعتقد يكون ضررها اقل وصوتها افضل
    كيف حالنا!
    بخير الحمد لله، بعتقد صار بدها يومية عن قريب صار عندي كتير تطورات هههههه
    3
    • ربى

      كلامك صج بخصوص الموسيقى اذا كنت بتستخدمها للاستماع والاستماع..انا بستخدمها لاتبع النوتات السريعات..اشبهلك إياها بحد بقرا سريع ومش ملحق عليه فتطلب منه يحكي ابطا لتفهم عليه.
      سلامتك يروح الشر..شو الأخبار ناوي تحلينا كنافة؟
      1
      • ربى

        والاستمتاع
        0
      • خالد عفان

        الله يسلمك يا رب، شو حليكن ما حليكن يا شيخة لا تفتحي ع حالك هيك بواب احسن ما طالب بحلوان السماعات والحبل عالجرار، احكيلكن بس والتحلاية عليكم، فاجئوني بلكي حس بقيمتي 🙄
        0
        • ربى

          اي تكرم وتؤمر
          طلوب وتمنى...واستنى لربي يفرجها واقبض لحليك. .هيك منيح يخي؟
          1
          • خالد عفان

            الله يكرمك يا رب،
            إن شاء الله تتيسر وتقبضي وما بدنا غير سلامتك
            تحت الصفر او فوقو كلو مش نافع بدهم يخلونا عطول مشغولين ونفكر بلقمة العيش والحاجات الاساسية
            1
        • ربى

          طيب يلا احكي شو في
          1
          • خالد عفان

            مافي شي كلام مبعثر وافكار واشغال بدهم قعدة ع رواق وترتيب بيومية، هلأ شوي مضغوط بالشغل وحاسس ما عم اشبع نوم ومافي تركيز، بعد يومين انشالله بخلص ضغط الشغل وبصفي ذهني وبرجع اتشتت باليوتيوب والمسلسلات ههههه، شو اخبار الاوتار لسا عم يتقطعوا
            1
  • طارق ناصر

    نظرا للظروف الحالية.. إلى من تذهب أولوية الشراء؟
    السماعات بها لعنة معي.. اشتريت واحدة وتعطلت بعد أيام فقط واشتريت أخرى تعمل بالبلوثوت ولكن بطاريتها تقلص عمرها فجأة.
    ولا أزال محظوظا فقط مع سماعات الهاتف العادية التي تبقى معي لٱشهر.
    لماذا حذرتينا من فوضوية اليومية.. هي جميلة هكذا.. استمتعت رغم أنها قصيرة 😒
    2
    • ربى

      الله يخليلك سماعات..والله سماعاتي القديمة كانو نوع رخيص ولكن صمد رغم كل الشد والساعات الطوال من الاستعمال أتمنى أن يدوم حظي..بيكفيني الى فيني
      1
    • زكرياء الأزرق

      تعلمو اصلاح سمعاتكم تحتاجون قليلا من الادوات + صبر + الكثير من المحاولة و بوم لن تشتروا سماعات بعد اليوم.
      تصليحها سهل، غالبا ما ينقطع احد الاسلاك يكفي اعادته لمكانه و ترا
      1

يجب عليك تسجيل الدخول لتتمكن من إضافة تعليق