السلام الداخلي

Sally omar

Sally omar

بتاريخ نشرت

دايما كنت بفكر اني وحيده ما حدا معي ولا حدا بسمعي ما حدا راح يفهمني بس اكتشفت انو في حولي ناس كثير بتحبني وبتخاف علي وبتسمعني وبتوقف معي .

مزبوط يمكن ما حدا بحس بالالم والشعور داخلك غير نفسك انت الوحيد الي راح تحس فيه .. بس وجود ناس بحياتك انت متاكد لو بتغيب عنها مليون سنه راح اتضلها تحبك وراح اتضل مكانك بقلبهم محفوظه هاد الشعور والاحساس بخلوك دايما مرتاح .

يمكن الشخص الي انت بدك اياه يكون من بين هدول الاشخاص ما راح يكون بس عادي راح تتعود وتتاقلم مع الوضع راح تعرف انو كل اشي عم بصير بحياتك لصالحك انت .

الاشي الوحيد الي لازم تعملو هو توجد ذاتك وتثبتها تحقق احلامك وتطير فيها كون انت الشخص الي انت بدك تكونو مش الشخص الي الناس بدها اياك تكون عليه .

بعد ما نفذت كل هاي الامور صار جواتي سلام داخلي صرت اتقبل كل اشي ما ازعل ولا اتدايق .. الزعل والفشل حاليا مش موجودين بقاموسي 

شكرا لكل شخص بحياتي بحبني من كل قلبو وما خذلني ولا تغير علي وشكرا لكل شخص تغير علي وخذلني لانهم علموني درس ... مسامحه الكل ومش شايله بقلبي ع ولا شخص بهالدنيا .. المسامحه اشي عظيم وما حدا بقدر يوصل لهاي المرحله غير الناس الصادقه بحياتها وبمشاعرها ... المسامحه مش ضعف ابدا هاي اكبر دليل ع قوة الشخص

بحبكم .. كونو مناح جميعا?

التعليقات

يجب عليك تسجيل الدخول لتتمكن من إضافة تعليق