الوحدة .....

الوحدة .....

عمر

عمر

حزن يشعر بالحزن ، بتاريخ نشرت

كنت بستغرب زمان لما بلاقي حد قاعد في مكان لوحده او ماشي في الجامعه من غير ما يكون معاه صحابه.. كنت بشوف ان ازاي الواحد ممكن يقعد من غير ما يكون معاه حد او هينزل يعمل ايه لوحده، وازاي ينزل كورسات و محاضرات لوحده و عادي..

كان ممكن ناس تغير اتجاهاتها واحلامها عشان يبقوا مع صحابهم وبس مايبقوش لوحدهم.. حد يدخل كليه معينه رغم انها عكس حلمه عشان خوفه من انه يبقي لوحده.. شخص يكون حلمه كورس معين ياخده ويبدأ طريقه و تُتِيح له الفرصه وعشان مش لاقي حد معاه ينسي ان دا كان حلمه ويسيبه عشان مش عايز يبقي لوحده..

كان في دايما قدامي quote بتقول "you are where you go alone" (بمعني تاني ان الاماكن اللي انت بتروحها لوحدك هي دي انت) ادركتها مؤخرا لما فهمت ان عادي الواحد يكون لوحده.. وعادي اروح مكان اقعد مع نفسي..

مش لازم دايما نخاف من الوحدة.. ساعات كتيرة بتكون مفيدة اكتر من لما يكون حوالينا ناس.. عادي نمشي لوحدنا وعادي كورس بنحلم بيه نروحه من غير ما نستني حد يبقي معانا عشان خايفين نبقي لوحدنا.. عادي تنزل تاكل اكله بتحبها لوحدك وتنزل تشتري لنفسك هدوم من غير ما يكون معاك حد تاخد رأيه.. عادي تقعد في مكان لوحدك في هدوء..

بلاش نخاف من الوحدة عشان لما اللي حوالينا يشوفوا طريقهم وتاخدهم مشاغل الدنيا (ودا طبيعي) مانعطلش في نص الطريق و مانعرفش نكمل..

  • مش بقلل من شأن الاصحاب بس انتوا ماتقللوش من شأن نفسكوا واحلامكم

التعليقات

يجب عليك تسجيل الدخول لتتمكن من إضافة تعليق