يومي الموقع ويومي العصير

يومي الموقع ويومي العصير

علي كيكي

علي كيكي

بتاريخ نشرت

يوم الخميس بالنسبة الي دائما يوم سريع ..

ف من لما فقت اليوم وانا عم فكر شو بدي اعمل بهاليوم السريع ومالقيت حالي غير بلشت بـ يومي ( الموقع) ف خصصتلو فترة الصبح تبعي ( والصبح تبعي بفرق عن صبح الناس التانية )، وكانت النتيجة كتير مسجات لحسام احكيلو فيها شغلات كتيرة عن يومي ( الموقع كمان مرة ) وقديشو حلو   

بس في شغلة لفتتني وماخبرت حسام عنها لانو بدي احكيها هون   انو يومي ( الموقع ) اسمو بشبه اسم يومي عصير الطفولة الي مابقدر اتذكر ايام المدرسة والحارة الا وشوف حالي ماسك هالعصيرر   فعلياً طفولتي كانت برعايتو، وللي مابعرف شو يومي او ماجربو ف اسمع لقلك شو يعني يومي (العصير): يومي هو مشروب برتقال سوري ( كان في نكهة تانية بس ماحدا كان يشربها لهيك معروف بنكهة البرتقال) محطوط بعلبة كرتون تقريبا 90 مل كان او اقل شوي وهو عصير صناعي طبعا بنباع بكل مكان وسعرو 5 ليرات سوري، ولجيل هالايام يومي هو"سن توب" الطفولة وحتى اطيب واعز والله   

وبمااني كنت طفل مدلل ومن عيلة وضعها فوق المتوسط   فكان مصروفي بكفي اني اشتري يومي مو العصير الي بالكيس متل نص رفقاتي واشتري معو كيس شبس ماستر وعيش ملك   بالفرصة التانية لانو الاولى بكون معي سندويشة او بسكوتة جايبها من البيت ..

فهاليومي الي نحنا في زكرني باليومي الي كنت عايش عليه ومبسوط وشايفلو مستقبل حلو، وجاي يكمل مسيرة يومي الطفولة  بس الفرق هداك كان يكون معنا بالقصة وهاد عم يشاركنا القصة   

اي وباقي اليوم كانت ماشي حالو وعجقة لانو عم حضر حالي لاطلع هايكنغ بكرا الجمعة بصحراء وادي رام وهي غالباً راح احكي قصتها بعد ماارجع يوم السبت او الاحد   


بي.اس: هالقصة انكتبت بعد يومين من حصولها من كتر العجقة الي صارت   

التعليقات

يجب عليك تسجيل الدخول لتتمكن من إضافة تعليق