#تنفيسة

#تنفيسة

أمير أبو جواد

أمير أبو جواد

بتاريخ نشرت

الكل سمع بكلمة #حصار يلي صارت متلازمة تلقائية مع سماع او اذكر اسم #الغوطة 

بس غالبا ماحدى جرب يعيش فيها او يتخيل نفسو بالغوطة ولو للحظات صغيرة 

انك تعيش فيها وتشوف شعبها البسيط يلي دائما #بيضحك بس مو من الفرح بيضحك من #الهم تلقائيا وبيبتسم من لاشعور نتيجة ارتفاع الاسعار الغير المتوقع من ساعة لتانية او من شارع لشارع 

انك تعيش بالغوطة وتشوف طفل صغيير عم ياكل #قمر_دين ويقلو ابوه بابا طيبة البسكوتة لتوقف عند الكلمة للحظات وتطلع بالاب ليضحك بوشك ويقلك صغير مابيعرف انو نحنا محاصرين وماعنا بسكوت 

انك تشوف طفل طالع من مدرستو وحامل بايدو 50 ليرة واقف عند البياع ليشتري قمر الدين #الاسودلان ارخص من الاشقر منشان ياكل ويشبع 

الحصار مو بس أكل وشرب الحصار هوي ابشع من مابتتخيل ابشع من انك تشوف ختيار كبير ماشي بالطريق ومادد ايدو عم يشحد او طفل صغير تارك مدرستو وداير بالشوارع كل ماشاف شب عم يشتري غرض يركض لعندو ويقلو عمو منشان الله ساعدني #الغوطة بتستاهل كل ساعة منشان #العالم_يغضبكرمالها 

التعليقات

يجب عليك تسجيل الدخول لتتمكن من إضافة تعليق