كورونا عايز إيه مننا ؟!

كورونا عايز إيه مننا ؟!

Aalsheikh

Aalsheikh

رضا يشعر بالرضا ، بتاريخ نشرت

عايز مننا نقعد في البيت؟ 

مفيش مشكلة.. النت مليان مواقع كتير نتعلم منها ونستفيد زي مهارة و إدراك وكورسيرا واللي بيقدموا دورات كتير بالمجان دلوقتي تضامناً ضد الكورونا .. وغيرهم مواقع كتير ممكن تضيفها للتعليقات لو حبيت 

عايز مننا نهتم بصحتنا أكثر؟

دي فعلاً فرصة أتعلم أنا وأولادي إزاي نحمي نفسنا من أنواع كتير من الفيروسات، وإزاي نقوي مناعتنا بالأكل الصحي  وإزاي نحسن من عادتنا اليومية اللي كانت بتسبب كتير أمراض حتى لو كنا شايفينها بسيطة.

عايز مننا نفكر ونتفكر في الدنيا بعمق شوية؟

فيروس صغييييير ولكن نبهنا لحاجات كتير .. كل واحد شاف الموضوع من زاوية معينة وانتبه لحاجات ممكن مفكرش فيها قبل كده.

عايز مننا نعيش في الخوف والقلق؟

هأخذ بالأسباب وأعمل اللي عليا .. لأني في النهاية مش هقدر ألومك لو سببت الضرر لحد ..

عايز مننا ننضم لمعسكر رأي معين؟

مش ناوي أدخل في أي معسكر ولا مع نظرية معينة.. لأني محتاج أعرفك من كل الزوايا والإتجاهات.

عايز مننا ننشغل بيك وبأخبارك؟

متهيألي كفاية عليك النهاردة كده في يومي.. وهتابع أخبار الكورونا جزء صغير من يومي والباقي هعيشه عااااااااادي   

التعليقات

يجب عليك تسجيل الدخول لتتمكن من إضافة تعليق