رحلة ببلاش !!

مبارح بلا تخطيط مسبق قررنا نروح انا ورفقاتي ع جزيرة قريبة من المكان يلي ساكنين فيه بما اليابان تتكون مما يقارب 6400 جزيرة لهيك في كتييير جزر خرج نروح عليها .. 

اخترنا وحدة بعد ماخلصنا المدرسة وطلعنا ندور ونشوف كيف بنقدر نروح ما معنا سيارة و ما بنعرف الطريق .. سالنا وسالنا 

طلعلنا باص بياخد لهنيك ببلاش وبصراحة المانع الوحيد من اي مشوار انو سعر المواصلات غالية بشكل مبالغ فيه شوي .. 

المهم طلعنا و خلال ما يقارب الساعتين صور صور وصور صور صور لحتى خلصنا شحن تلفونين 

طبعا الاكل باي مكان سياحي غالية جدا كمان .. و كمان موضوع الحلال وهيك هي لحالها مشكلة الاصحاب معي مو مسلمين بس انا خليتهن يفتلوا معي كل المحلات لنلاقي شي محل اقدر اكل فيه.

احلى شي عملته بحياتي كان بلا تخطيط ومع اصحاب عاديين بالصف اقترحنا الرحلة و طلعنا ما بنعرف بعض وتعرفنا هنيك ..