بداية يوم بائسة

Mostafa Omar

Mostafa Omar

بتاريخ نشرت
صحيت النهاردة و طبعا صحيت مضايق اكتر عشان نايم مضايق و بشكر المهدئ القوي علي مفعوله قبل النوم بس الكويس في الموضوع اني صحيت قبل آذان الفجر بخمس دقايق من غير منبه و كنت منتظر جدا آذان الفجر عشان اخر من البيت في الجو البرد ده عموما انا بحب الجو البرد عشان بيقلل من anxiety و الشعور من بالاكتئاب شوية بس مهما كان صعب احس بالبرد عشان الاحساس بالاكتئاب هو الغالب علي مشاعري و تفكيري و كل حاجة حوليا ، اما بعد ...
الساعة دلوقتي 5:55 و معايا فنجان قهوة سادة فوق السطح البيت منتظر شروق الشمس و في نفس الوقت بحاول احس بشوية برد بس كالعادة حظي الزفت ولا عارف احس بالبرد و لا هشوف شروق الشمس عشان في ضباب كثيف جدا يمكن حاجة بسيطة جدا زي دي بتضايقني جدا عشان بتفكرني قد ايه انا انسان بائس و كل حاجة في حياة رفضاني  بس بحاول اقف تاني و برتب الحاجات اللي عاوز اعملها بس هيكون اهمها هو ميعادي مع طبيبي النفسي

التعليقات

يجب عليك تسجيل الدخول لتتمكن من إضافة تعليق