ربنا كريم💗

Mostafa Omar

Mostafa Omar

بتاريخ نشرت
صباح الخير، حاليا لسه صاحي من ساعة و روحت اصلي الفجر و رجعت عملت قهوتي و مش عارف ابدء من فين بس كل اللي اعرفه اني عاوز اعبر عن كل آلام جوايا في كتابة هنا، يمكن دي الطريق الوحيدة اللي بصف فيها قد ايه انا مضايق و مكتئب عشان في الواقع اي حد يشوفني هيفتكرني انا سعيد جدا من كتر ما بهزر بس من جوايا عاوز اموت و اصلا انا بهزر بس في محاولة مني اني اخفي الشخصية الكئيبة بتاعتي عشان الناس مش بتحب المكتئبين.
حالتي دلوقتي صعبة جدا و مروحتش لطبيبتي النفسية من اكتر من 20 يوم عشان لسه في اجازة بره مصر و بجد مش عارف اعمل ايه خصوصا اني خلصت برشام المهدئ بتاعي اللي كنت بنام عليه او كنت باخده وقت ما تكون anxiety كبيرة شوية كلمت صديقتي في كلية الطب عشان تجيب ليا برشام مهدئ تاني و رفضت وقالتلي "البرشام في مادة بتسبب الادمان مش هجيب ليك تاني منه طلامه بتاخده من دماغك و الدكتورة مش قالت ليك عليه" انا اضيقت كتير منها بصراحة هي مش حاسة بيا خالص و متعرفش اني برشام ده باخده بس عشان يمنعني اني انتحر و قررت مكلماش تاني مع انها بالنسبة ليا حاجة كبيرة?
من يومين كنت مضايق جدا و الدنيا مقفله في وشي بغباء و قررت اجرب احساس النيكوتين لأول مرة و اشرب شيشة و فعلا كنت هدخل الكافية بس قولت لنفسي ربنا كريم و مشيت ،النهاردة برضو كنت هعمل نفس الحركة الغبية و كنت خلاص هدخل الكافية بس كانت صلاة المغرب شغالة في المسجد و سمعت الشيخ بيقراء في " إِنَّ وَعْدَ اللَّهِ حَقٌّ ۖ فَلَا تَغُرَّنَّكُمُ الْحَيَاةُ الدُّنْيَا ۖ وَلَا يَغُرَّنَّكُم بِاللَّهِ الْغَرُورُ" فمشيت و مدخلتش.
درجة الحرارة دلوقتي 12ومن الشباك شايف ضباب ولسه مصيف و لسه مش حاسس بالبرد بفكر انام تاني دلوقتي بس النوم صعب للاسف امبارح عشان انام قعدت ساعتين قبل النوم و فضلت اسمع في قرآن كتير قبل النوم عشان anxiety متشتغلش تاني ادعولي.

التعليقات

يجب عليك تسجيل الدخول لتتمكن من إضافة تعليق