لأ!

لأ!

ماجد القاضي

ماجد القاضي

بتاريخ نشرت

ناس كتير مش بتعرف تقول: لأ!!

مش بتعرف تقول "لأ" لما يكون المفروض تقول "لأ"!

وبالتالي بتورط نفسها في وعود ومسئوليات مش مفروضة عليها أساسا، بسبب حبها للي أدامها أو خجلها منه أو ضعفها أمامه أو أي سبب تاني، المهم إن فيه ناس على الطرف المقابل محترفة في استغلال - بل ابتزاز - مشاعر النوع الأول، وبالتالي بتاخد منه اللي هي عاوزاه في الوقت اللي هي عاوزاه بالكيفية اللي هي عاوزاها.. وكله بسيف الحياء!!

القاسي في الموضوع.. إن النوع التاني ده غالبا بيقدر يقول "لأ" بسهولة وبدون أدنى مجهود نفسي، والأقسى إنه بيكون قادر يقولها للنوع الأول اللي متعود ياخد منه بالفعل!!

بيصعب عليا النوع الأول.. وبيغيظني في نفس الوقت!!!

لو انت من النوع الأول.. اتعلم امتى تقول "لأ".. والأهم.. اكتشف مين من اللي حواليك من النوع اللي بيقتات على المشاعر النبيلة والرقيقة علشان ماتخاليهوش يستغلك.. بس خد بالك.. اتدرب كويس قبل ما تواجهه.. أصله بيبقى غالبا غتت وخنيق وجلده تخين وللأسف فاهمك أكتر منك!!!

التعليقات

يجب عليك تسجيل الدخول لتتمكن من إضافة تعليق