الما

الما

Meriama

Meriama

بتاريخ نشرت

انا من الناس لي تنتعصب تنعس، فحال الى نعست غادي نفيق نلقا المشكل تحل، لبارح عوتاني تعصبت وانا ننعس هاد المرة لي عصبني هو قلة الما بغيت غا ندوش ملقيت حتا قطرا، فاش فقت هزيت سطولتي او زدت للبير، عادة تنسكى عادي هاد لمرة تنزل السطل تيطلعو جوج قطرات، شافني واحد السيد او علمات السخط باينة علىة على كمارتي جا سكا ليا او واعدني اعمر لينا الستيرنا لي فوق الدار، فرحت لكن كاليا حتا الى عمرنها داك لما ماشي صالح لشريب، يعني غادي ابقا خاصنا نصيفطو لي جيب لنا الما دشريب من العين، كلت ليه ماشي مشكيل او شكرتو. فالعشية واحد تلميدة ديالي ممكملة حتى ميترو راكبة فوق لبغل طاقطاق بباداها سولتها واش غادا للعين كالت ليا آه، وانا نكول ليها تسناي انا غادا معاك، نزلات مسكينة فوق لبغل او ركبت انا اول مرة نركب فوق لبغل، شبعات فيا لبنت غوات كاع داكشي لي تندير ليهم فالقيسم خرجاتو فيا، شدي مزيان عنداك طيحي متخافيش او شي طرقان عندهم ياربي سلاما، داك لبغل طالع نازل العين بعيدة شويا ملي وصنا البنت ديال تمن سنين نزلاتني، نزلات لبادا، عمراتهم ركباتهم ، كالت ليا نعاود نركب كلت ليها الله اناجني الله اجعل شي براكا نرجع علا رجلي ركبات هي و شدينا طريق شبعات فيا دحك زلت ماشي مرة ماشي جوج تكول يالاه تنتعلم نتمشا، لي تعلمتو هي انه الى انا لي عندي 23 عام او فرحانة ببا بو بي لي تنعرف هاد بنت 8 سنين عنها مهارات موحال نوصل ليهوم شكرتها او سيفطها لدارهم، عمرو لنا الناس السترنا دخلت دوشت و اتجبدت فوق فراشي تنفكر فالما او الحياة ديال الناس هنا، كيفاش لحياة علماتهم داكشي لي مكينش فالكتوبة حتى ولا داكشي لي جينا نقريو لولادهم تيبان والووووو.

التعليقات

يجب عليك تسجيل الدخول لتتمكن من إضافة تعليق