هو انقذني (دفتري العزيز)

هو انقذني (دفتري العزيز)

nagham aldaher

nagham aldaher

رضا تشعر بالرضا، بتاريخ نشرت
يمكن من اربع سنين طلعت من سوريا كنت فعليا صغيرة بدأت رحلتي مع الحياة بتجارب فاشلة زعل فقدان عالم عزيزة كتير كموت او غربة فقدان أب بسبب الحرب والطائفية والكره خال بسبب كلمة حق تعرضت لكتير قصص يمكن صعب إني شاركا الاكتئاب تمكن مني بكتير أيام وحالات  حاربت طبعا ما كفيت دراسة صرت بتركيا مع أهلي وطبعا عشت ايام حلوة شفت عالم تاني وكل يوم كنت اكتشف شقد العالم قاسي وصعب وتوفت أمي كمان بسبب اللجوء لانك بالنهاية ولا حدا وقت ما بيكون عندك وطن لحد هالأيام الاكتئاب صديق ما بيفارقني بس في شي ساعدني أنقذني رغم كل الانكسارات الي مرقت فيها قلمي ودفتري الصغير صرت ارسم كل مشاعري فعليا ارسم مشاعري وكلماتي صرت وقت اشتاق ارسم وقت حب ارسم وقت اتمنى اختفي ارسم وفكرة اإني اكتب مشاعري ولحظاتي شي كنت اتفادا اعملو خوفا إني اضعف قدام مسئوليات محطوطة قدامي بس شعور مريح إني اكتب وارسم وحول اي وجع لشيء جميل

طبعا انا حاليا رسامة بتركيا بفتخر لوين وصلت ورح  تكون مشاريعي اني ارسم لانشر بسمة وساعد بأي شي ممكن

بدايتي مع يومي كانت بغضل اللطيف جدا @husseinderik الي هو هالة من الهدوء و الإيجابية بالنسبة الي 

التعليقات

  • حسين ديريك

    نغوم الرائعة.. بدنا نضل نشوفك هون ها
    0
  • نيرمين

    وااااااو رسمة خييييييلة مبدددددعة :)
    وكل انسان بمر بتجارب فاشلة انا فشلت كتيــــــــــــــــــــــــــــــــــــــــــــــــــــرررر امر عادي للكل يعني
    وفعلا العالم ئاسي وصعب وبحاول يحبطنا ويحاربنا كل يوم بس ما لازم نستسلم ابداااااا ابداااا براافووو عليكي رسمي ورسمي وماتوئفي ابدا يلي عم تعمليه فن وابداع وانشالله بكون هالشي مستئبلك وتشتغلي فيه :)
    0
  • عدنان الحاج علي

    اهلا بك في يومي :)
    اتمنى لك ايامًا رائعة واتمنى مشاهدة المزيد من اعمالك ان امكن.
    0
  • وسام اسكيف

    الرسمة رووووعة. أنا تقريبًا مريت بنفس شكل التجربة وخسرت أمي من زمان، وفعلًا طلعت شقد تغيرت حياتي وصرت أشيل مسؤوليات كتير كبيرة لحالي وأعمل مليار شغلة. وفشلت كتير كتير. لهيك عنجد صمودك لكل يلي واجهتيه لحالك شي رائع.
    0
  • زمردة

    إنّي أرى القوة في هذه الرسمة وارى قوة من رسمها حقًا ^^
    0
  • حسام عبد

    أهلا بفناني يومي!
    بالمناسبة رسمة رائعة
    0

يجب عليك تسجيل الدخول لتتمكن من إضافة تعليق