الاسلام

الاسلام

Qusay Mnaf

Qusay Mnaf

بتاريخ نشرت

معنى كلمة اسلام

كلمه "اسلام" معناها "الاستسلام والخضوع الكامل لله". طريقه الخضوع هى بـ عبادة ال‍له وحده وطاعة أوامره اللي جت في القرآن. كلمة "السلام عليكم" جايه من المعنى الأساسى "تحياتى من ال‍له".

العقيده

اسم الله

التوحيد بمعنى الإيمان برب واحد مالهوش شريك هو اساس الاسلام. المسلمين بيؤمنوا بإن ال‍له أوحى اخر رسالاته للانسانيه للنبى محمد عن طريق الملاك جبريل. بالنسبه ليهم, محمد كان اخر نبى من ال‍له و القرآن هو الكتاب المقدس المنزل على محمد فى فتره طولها حوالى 23 سنه.

فى الاسلام, الأنبيا هما اشخاص اختارهم ال‍له عشان يبقو الرسل بتوعه. المسلمين بيؤمنوا بإن الأنبيا بشر زى كل الناس و ماهماش آلهه، لكن رغم كده ففيهم منهم بيقدروا يعملو معجزات عشان يثبتوا دعوتهم. الأنبيا فى الاسلام بيعتبرو الأقرب للكمال من كل البشر ، و بصفه خاصه الانبيا اللى بيتوحى لهم من السما ، سواء من ال‍له طوالى او عن طريق الملايكه. 

القرآن ذكر أسامى كتيره لأنبيا منهم ادم و نوح و ابراهيم و موسى و عيسى.

 فى الاسلام كل رسل ال‍له من اول ادم كانو بيبلغوا الناس رسالة الاسلام اللى هى الخضوع لإرادة ال‍له.

بالنسبه للقرآن

إرادة ال‍له بتتجاب للاُمم عن طريق أسلاف ابراهيم و عمران. الاسلام موصوف فى القرآن ”الطبيعه الاساسيه اللى على اساسها ال‍له خلق الجنس البشرى“

,و القرآن بيقول انه إدّا الاسم  مسلم لـ ابراهيم.تاريخياً ، 

الاسلام إتـاسس فى شبه الجزيره العربيه فى اوئل القرن السابع.

 النصوص الاسلاميه بتقول ان اليهوديه و المسيحيه انبثقوا من تعاليم ابراهيم قبل الاسلام. القرآن بيسمّى اليهود و المسيحيين ”اهل الكتاب“, و بيفرّق بينهم و بين المشركين  (اللى مؤمنين بتعدد الآلهه)

المسلمين بيعتقدوا إن الكتب المنزله قبل كده زى التوراه و الانجيل اتحرفوا ياإما عن طريق الترجمه او بضياع النصوص الاصليه او بالقصد.

 الاسلام بيقول ان كل رسل ال‍له من اول آدم كانو بيبلغو رساله (الاسلام) و اللى هى الخضوع لإرادة ال‍له و ان اللى بيتغير كان بس القوانين و العقوبات. 

الاسلام بيعتبر كل الاديان الابراهيميه اليهوديه و المسيحيه و الاسلام فى الاساس دين واحد و المؤمنين بيهم بيعبدوا رب واحد بس كل اتباع دين بطريقتهم.

ال‍له فى الإسلام


جامع Edirne, فىتركيا مكتوب عليه كلمة ”ال‍له“

المفهوم العقائدى الأساسى فى الإسلام

 هو " التوحيد " و هو فكرته الاساسيه. التوحيد هو الإيمان بإن فيه إلاه واحد بس. الاسم العربى " ال‍له ". مفيش جمع لكلمة ال‍له فى اللغه العربى

المسلمين بيؤمنو بإن محمد هو آخر نبى مُرسَل من ال‍له.

 الاسلام بيعترف بوجوداليهوديه و المسيحيه (و ساعات الصابئه/مندائيّه و الحنيفيه).

 معظم العلما بيعتقدو انه انحدر من تصغير لكلمتين  الـ- و  إله, بس علما تانيين بيدوّرو فى جدور الكلمه فى اللغه الأرامى|Alāhā|

 الركن الأولانى فى الاسلام هو التوحيد, و بيتعبّر عنه بالشهاده بأن " لا إلاه إلا الله " و إن " ان محمد رسول ال‍له ". مع ان ال‍له ساعات بيتوصف فى القرآن, المفهوم الاسلامى بيعتبر ان ال‍له خارج نطاق الادراك بحيث ان الله مالهوش مثيل او شكل ممكن إن الانسان يتخيله على اساسه.ال‍له بيتوصف فى سوره من القرآن بإنه: ال‍له ، الاحد ، الصمد ، لم يلد ، و لم يولد ، و لم يكن له كفواً احد 

الكتب المقدسه

القرآن


القرآن: كتاب الاسلام المقدس

القرآن عند المسلمين هو كلام ال‍له اللى انزل على النبى محمد باللغه العربيه و نصوصه هى اساس الدين الاسلامى. المسلمين بيؤمنوا بإن أيات القرآن إتوحت للنبى محمد من ال‍له عن طريق الملاك جبريل كذا مره فى الفتره ما بين سنة 610 م و لحد وفاته فى 8 يونيه 632م.

 إتقال ان القرآن اتدون عن طريق صحابة محمد وقت حياته و اتلقن شفوياً. القرآن إتجمع فى وقت ابو بكر اول الخلفا الراشدين

 و اتوحدت كتاباته تحت اشراف عثمان بن عفان تالت الخلفا الراشدين .

 الادله النصيه وضحت لعلما الدراسات الاسلاميه ان القرآن الموجود النهارده ماتغيرش من وقت لما إتوحد.

القرآن متقسّم لـ 114 سوره 

فيهم 6،236 آيه. 

السور الاقدم ظهرت فى مكه و عامة بتختص بالمواضيع الاخلاقيه و الروحانيه.

 السوراللى بعد كده اللى ظهرت فى المدينه غالبا بتتكلم عن المواضيع الاجتماعيه و الاخلاقيه اللى ليها علاقه بالمجتمع الاسلامى.

 القرآن اكتره بيتكلم على النواحى الاخلاقيه اكتر من المواضيع القانونيه , و بيعتبر ”المصدر الكتابى بتاع المبادئ و القيم الاسلاميه“

.المشرعين المسلمين بيراجعو  الحديث, و هى التسجيل المدون لأقوال و تصرفات النبى محمد, عشان يكمّلو القرآن و يساعدو على تفسيره. علم التعليق القرآنى و التفسير النقدى معروف بإسم  التفسير.

[ كلمة قرآن معناها ”انشاد/تلاوه“. لما المسلمين بيتكلمو بشكل نظرى عن ”القرآن“, عادة بيقصدو النص زى ما بيتعمله تلاوه بالعربى و مش العمل المكتوب او اى ترجمه ليه. بالنسبه للمسلمين القرآن أوضح بنصه الاصلى العربى إكمن الترجمات بيبقى فيها اختلالات بسبب الاختلافات اللغويه ، و ممكن المترجمين يغلطوا فى فهم معنى الكلمات و الجمل ، و عشان كده الترجمات بتعتبر تفسيرات للقرآن بس ، مش القرآن نفسه.

الحديث

الأحاديث هى روايات جت من كلام و افعال ”محمد“ نبى الاسلام. مدارس الفقه التقليديه بتعتبر الحديث اداه مهمه عشان يفهمو القرآن و المسائل الفقهيه.

الحديث إتقيّم و إتجمع فى مجموعات كبيره غالبا وقت حكم عُمَر ابن عبد العزيز (فتره الخلافه الامَويّه) فى القرن التامن و التاسع م, بعد موت محمد بـ 200 سنه. لحد النهارده, الاعمال دى بيترجعلها فى مسائل القانون الاسلامى و التاريخ. الطايفتين الاساسيين فى الاسلام, السنّه و الشيعه, عندهم مجموعات مختلفه من الحديث.

الحديث بيخلى المسلمين قادرين يكتسبو عادات السنّه او الممارسات المعتاده بتاعة محمد.

 الاستعمال الاسلامى للمصطلح ده بيعبّر عن المقولات و العادات بتاعة محمد و هو عايش. تسجيل السنّه كان عاده تقليديه فى شبه الجزيره العربيه, و اول ما الناس إتحوّلت للاسلام, جابو معاهم العاده للدين.

من المسلمين السنّه, المجموعات بتاعة صحيح البُخارى و صحيح مسلم بتعتبر صادقه.

أركان الاسلام (الفروض الاساسيه)

  1. الشهاده: الاقرار بالعقيده, الإيمان بإن مافيش إله غير ال‍له, و ان محمد رسول ال‍له.
  2. الصلاه: الصلا فى الاسلام خمس مرات فى اليوم: الفجر و الضهر و العصر و المغرب و العشا و ممكن اللى عايز يكتر عن كده لكن مش إلزامى (الزيادات دى بيسميها المسلمين نوافل).
  3. الزكاه: و هى انواع : "زكاة المال" (الفلوس), و "زكاة الزرع", و "صدقة الفطر" و الصدقه عباره عن مساعده, بالفلوس او الأكل او غيره, بيديها القادر للفُقرا و المحتاجين.
  4. صوم شهر رمضان: و هو الشهر التاسع فى السَنه الاسلاميه (السنه الهجريه). المسلمين فى شهر رمضان مش بياكلو او بيشربو من طلوع الشمس لحد الغروب لمدة شهر قمرى و هو الشهر الهجرى. بعد ما يخلص رمضان بييجى "عيد الفطر". المسلمين عادةً بيحتفلو بعيد الفطر (العيد الصغير فى مصر) مع العيله و الصحاب, و بيروحو الصبح للجامع عشان يصلو صلاة العيد. (شوف كمان: القبض على الفطرانين فى رمضانانقذوا الوطن)
  5. الحج: (زيارة الكَعبه فى مَكّه فى موسم الحج للى يقدر. لما الحج بينتهى بيبدأ "عيد الأضحى". المسلمين اللى يقدرو, لازم يشترو خروف او حيوان مصرح بأكله (حلال) و بيضحّو بيه على الطريقه الاسلاميه, و بيوزعو لحمته على الفقرا. المسلمين بيؤمنو بإن "ابراهيم" (أڤراهام فى اليهوديه), نبى من أنبيا ال‍له القدام, إتوحى له من ال‍له إنهُ يضحى بإبنهُ اسماعيل فقبل ابراهيم و أطاع امر ال‍له, لكن الملاك جبريل جه و إدالهُ خروف يضحى بيه بدل ابنه.

الكعبه فى مكه هى قبلة المسلمين.

أركان الايمان

أركان الإيمان هى مصطلح اسلامى

ل6 اركان اساسيه فى الاسلام ، لازم المسلم يكون مؤمن بهم.

1. الإيمان بالله

لازم المسلم يكون مؤمن ان فيه ربنا ، إله واحد ملهوش شريك ، خلق كل شىء فى الكون.

2. الإيمان بالملائكة

الإيمان بالملايكة ، خلقهم الله من نور و انهم مش بيعصوا ربنا و بيقوموا باعمال و وظايف اللى ربنا امرهم بها.

3. الإيمان بالكتب السماوية

الايمان بالكتب السماويه كلها اللى نزلها على أنبيائه ورسله . زى التوراة و الانجيل

4. الايمان بالرسل

هو الإيمان بالرسل و الانبياء اللى ربنا بعتهم للبشرية ، زى النبى نوح ، ابراهيم , موسى ، عيسى

5. الإيمان باليوم الاخر

الإيمان ان فيه يوم قيامة و حساب

6. الإيمان بالقدر

الإيمان القدر سواء خير او شر هو بتقدير ربنا.

مصادر التشريع الاسلامي

1- القرآن

القرآن ، فى الاسلام هو أقدس كتاب و وحى من الله نزل على النبى محمد وهو كتاب الله عز وجل . القرآن فيه 114 سوره. فى كل سوره فيه آيات كتيره عددها 6236 من غير آيات البسمله و 6348 مع ايات البسمله.

2- السنة النبوية

واحيانا بنسميها الحديث النبوي هو كل حاجة عن النبى محمد بن عبد الله من كلام واعمال خلال حياته واللى اتنقلت لينا من الناس اللى سمعته او شافته .

3- احاديث اهل البيت

المصدر ده خلاف بين السنه والشيعة فعند الشيعة أن أحاديث اهل البيت هى المصدر التالت للتشريع

4- اجماع اقوال العلماء

هو اتفاق جمع كبير من علماء الامه على حكم مسألة بعينها من الكتاب والسنة.

5- القياس وهو الحاق امر غير منصوص على حكمه فى القرآن او السنّة او الإجماع بأمر اخر منصوص على حكمه فى القرآن او السنّة او الإجماع لاشتراكهما فى علّة الحكم.

6- الاجتهاد وهو تطوع احد العلماء او مجموعة من العلماء لاستنتاج حكم مسألة معينة لم يرد نص معين فيها؛ كالامور الحديثة من التقنيات وغيرها.

مكان العباده


مسلمين بيصلّو فى جامع

المسلم ممكن يصلى فى البيت او فى أى مكان نضيف او فى مكان العباده "الجامع". معظم الجوامع ليها قُبّه و مناره (مآذنهُ) واحده على الاقل. بس الجامع مش شرط يكون له قُبّه او مآذنه. المسلمين بيقلعو جزمهم قبل ما يدخلو الجامع يصلّو, و سواء صلّو فى البيت او فى الجامع, لازم يتوضّو, عشان يأدّو الصلاه. أبدع المسلمين فى بنا الجوامع و زخرفتها و جوامع كتيره زى جامع السلطان حسن فى مصر و جامع السليمانيه فى تركيا و غيرهم بيعتبروا من الإبداعات الهندسيه و الفنيه الرائعه. الجامع ممكن يكون جامع عادى للصلا او مسجد جامع بتتعمل فيه خطب الجمعه من اشهرها على مر التاريخ الجامع الازهر فى مصر. فيه كمان جوامع اتبنت و الحقت بيها مدارس دينيه من اشهرها جامع-مدرسة السلطان محمد بن قلاوون فى القاهره.


التعليقات

يجب عليك تسجيل الدخول لتتمكن من إضافة تعليق