عم بقولو انو نزل تطبيق يومي :scream:

عم بقولو انو نزل تطبيق يومي 😱

يومي

يومي

غرابة يشعر بالغرابة ، بتاريخ نشرت

بناءاً على ما ينص عليه العنوان، وعلى هذه الفرضية، المثبتة عبر متاجر التطبيقات، التطبيق صار موجود

والتطبيق لمين?؟؟ ليومي!مو صحيح؟?

مقدمة عن هذه الصٌفيحة
هو فعلياً ليليوم? بس نعم صحيح ليومي كمحتوى?ولكل أعضاء يومي الي منسميهن نحن بالمكتب يوميين، الي هنن أشخاص قمة بالروعة متلكن يا أكابر ، حفنة من بشر ذوي رؤية وأصحاب نهضة من نوع لطيف، نحن منحبكن وعم نسعى قدر الإمكان لنفني حالنا لنعمل هيك عمل بسيط يكون وسيلة الكم والنا لنجمع هيك حفنة ونعمل مجتمعنا الخاص يحكي كل فرد فيو عن يومه، يومي يومك يوم أبوك ويوم امك ?وهيك بلشنا بالمسبات! (رح نعلمكن تحت كيف ممكن تكون المسبات ولمين☺?)


الآن، هدف هذا التطبيق هو تسهيل و تجميع كل الجهود المبذولة ـ على منصة يومي كموقع ـ كأعمال من طرف المبدعين الخلاقين الي عم يشاركو جوارحهم  و كمان فرصة الكم يا يوميين لتتعرفو على فريق ليليوم الي عمل على التطبيق، لكل شخص شو كان دورو رح ينذكر بالأسفل، في حال حب حدا يوجه شي مسبه أو شي قذيفة خطيّة لتعرف لمين توجه?أو يمكن انت تكون يومييّ محترم وتوجه شكر نحن على كلن حقول التعيلقات مفتوحة الكم يا أفلاذ الكبد ?

سبب وجود تطبيق يومي

و لحتى ما ننسى عظمة ما يتم تشاركه ولحتى نضل أقرب لمتابعينا (إلكم يعني?) حاولنا نضيف ميزات بالتطبيق بما يمكن، يعني عصر وضغط و مطالب هيك وهيك مااافي?، أقلها حالياً لأن عنجد عم نشتغل بالمستطاع وبالمجان وهاد تطبيق إصدار أقرب للبيتا بصراحة، أو حتى فيكن تتخيلوه ألفا?بس مو ألفا روميو، ولا بيتا لخالتك?.

ماذا نطلب من حضراتكم؟
سيتم تحديث التطبيق بشكل مستمر و دوري (ودورك، يعني دورك بيكمن بالمساهمة بالفييد باك?جبر الله بخاطرك و بخاطركي) فنرجو من حضراتكم يا يوميين تزويدنا بالنجم الكثيرة على المتاجر، و آرائكم ثم آرائكم، متل ما عم ننشر على وسائل التسول الإجتماعية مقالات لمقولاتكم على شكل صور بإيد مدير المحتوى الرائع @azizi0084  (هاها هي بلشت المنشنات وبلشنا نعرف من وين بيجي البلى) منتمنى من طرفكم لتشاركونا بما يفيد عملية التحسين والتطوير??

جزئية المسبات
بس هلأ سيد أحمد عزيزي الي انعملو منشن فوق (مقصود ليكون الأول?وهو عزيز المكتب بالمناسبة?) هو زلمة رائع وهو صدقاً أروع زنبق من زنابق ليليوم ( كل هالمقدمات لئلكن انو هو مسؤول عن وسائل التسول وخدو راحتكم و سبو عليه?، سوفت بس ?) 

الجندي المجهول صاحب الأزرار الي محت على لوحة المفاتيح وهو يضرب ويكتب ويمسح (الكتشب تبع صندويشة البطاط) @suhailD  سهيل ، مبرمج تطبيقي الموبايل لمين؟ ليومي مو يومي أنا طبعاً?يومي تبع يومكن تبع مكان ما بتجمعوا يومياتكن ، منصة يومي?، صَح صِح يا غلام ويا غلامة!?بالإبلاغ والبلوك والله! وبتهديد من الحذف من حكواتية الأسبوع (المعروفة تحت مسمى "قاعة الشرف")?منعملها؟؟ صدقاً مافي برمجية حتى لتدعم مثل هذه عمليات?.


في حال رغبتكم بمشاركة آرائكم بخصوص التطبيق ياريت تكون هنا، أو على شكل ايميل أو على شكل رسالة وين ما بدكن نحن بإذن رب العالمين جاهزين للتحسين من تجربة إستخدامكم ليومي ليتحسن بدورها يومكم أنتم?
 
أسعد الله يومكم ومسائكم يا أروع المستخدمين، يا يوميين?


ــــــــــ تعديل ١:

هذا هو رابط تحميل التطبيق
ملاحظة: الرابط ذكي كفاية لتحويلكم إلى المنصة المناسبة لما فُتح الرابط منه!


ــــــــــ تعديل 2:
بناءاً على الرغبة بتوضيح رابط تحميل التطبيق تم إضافة هذه الصورة، وشكراً لتفهمكم (سووفت، تعليقات سوفت لو تكرمتم 😂 علماً أنني أشك بذلك بعد هذه السطور الأقرب للكثيرة 😅 🙏🏼)

التعليقات

يجب عليك تسجيل الدخول لتتمكن من إضافة تعليق